சாம்சங் டிவி /ரூ.1 கோடி விலை

ரூ.1 கோடிக்கு டிவியை அறிமுகம் செய்த சாம்சங் நிறுவனம்… சிறப்பம்சங்கள் என்ன?

📍உலகளவில் டிஸ்ப்ளே தொழில்நுட்பத்தில் சிறந்த நிறுவனம் எது என்றால், அது சாம்சங் என்று தான் அனைவரும் சொல்லுவர். அந்தளவுக்கு டிஸ்ப்ளேயில் புதிய தொழில்நுட்பங்களைப் புகுத்தி பயனர் சந்தைக்கு கொண்டு வருகிறது சாம்சங். அதுமட்டுமா, நாம் பயன்படுத்தும் பெரும்பாலான ஸ்மார்ட்போன்கள், ஏன் ஐபோன் உள்பட சாம்சங் நிறுவனத்தின் டிஸ்ப்ளேவை தான் பெரும்பாலான ஸ்மார்ட்போன்களில் பயன்படுத்தி வருகிறது. இந்த சூழலில், அடுத்த கட்டமாக ஒரு புதிய அறிவிப்பை உலகின் முதன்மையான டிஸ்ப்ளே தயாரிப்பு நிறுவனம் வெளியிட்டுள்ளது.

📍அல்ட்ரா பிரீமியம் ஸ்மார்ட் எல்இடி டிவியை சாம்சங் அறிமுகம் செய்துள்ளது. மைக்ரோ எல்.இ.டி தொழில்நுட்பத்தில் கட்டமைக்கப்பட்ட இந்த டிவியில் பல மேம்படுத்தப்பட்ட புதிய தலைமுறை அம்சங்கள் கொடுக்கப்பட்டுள்ளன. இந்த டிவியின் விலை தான் ஹாட்ஸ்பாட். இந்திய மதிப்பில் ரூ.1,14,99,000 என்று அறிவிக்கப்பட்டுள்ளது. புரியும்படி சொல்ல வேண்டும் என்றால் 1 கோடியே 14 லட்சத்து 99 ஆயிரம் ரூபாய் என்று சாம்சங் தனது பிரத்யேக இணையதளத்தில் பதிவிட்டுள்ளது.