‘மாயத்திரை’ படத்தின் ட்ரெய்லரை நடிகர் பிரசாந்த் வெளியிட்டார்

ஸ்ரீ சங்கர நாராயணா சாமுண்டீஸ்வரி மூவிஸ் சார்பில் V.சாய்பாபு தயாரித்துள்ள படம் ‘மாயத்திரை’. இயக்குநர்கள் எழில், பாலா ஆகியோரிடம் உதவி இயக்குநராகப் பணியாற்றிய T.சம்பத்குமார். இந்தப் படத்தை இயக்கியுள்ளார். விஸ்காம் பேராசிரியரான இவர் அடிப்படையில் திரைப்படக் கல்லூரி மாணவரும்கூட.

அசோக்குமார் கதாநாயகனாக நடிக்க, சாந்தினி தமிழரசன், ஷீலா ராஜ்குமார் ஆகியோர் கதாநாயகிகளாக நடித்துள்ளனர். மேலும் முக்கிய வேடங்களில் ஜெய்பாலா, தருண் மாஸ்டர், காதல் சுகுமார், காதல் சரவணன், பாவா லட்சுமணன், சுஜாதா மாஸ்டர், மாஸ்டர் ஆரவ் உள்ளிட்ட பலர் இதில் நடித்துள்ளனர்.

ஒளிப்பதிவை இளையராஜா வேலுசாமியும், படத்தொகுப்பை கோடீஸ்வரன்-M.சுரேஷ் ஆகியோரும் கவனித்துள்ளனர். எஸ்.என்.அருணகிரி மற்றும் எஸ்.எஸ்.தமன் ஆகியோர் இந்தப்படத்திற்கு இசையமைத்துள்ளனர். பாடலாசிரியர் ஞானகரவேல் பாடல்களை எழுதியுள்ளார்.

இந்தப்படத்தின் ட்ரெய்லரை இன்று நடிகர் டாப்ஸ்டார் பிரசாந்த் வெளியிட்டு படக்குழுவினரை வாழ்த்தினார். இதுபற்றி பிரசாந்த் கூறும்போது, “இந்த ட்ரெய்லரை பார்க்கும்போதே ஹாரர் படங்களில் இது வித்தியாசமான முயற்சியாக இருப்பது தெரிகிறது.. குறிப்பாக ஒரு நாவல் பாணியிலான முயற்சி இதில் இருக்கிறது” என பாராட்டினார்..

இந்த நிகழ்வில் தயாரிப்பாளர் V.சாய்பாபு, இயக்குநர் T.சம்பத்குமார் உள்ளிட்ட படக்குழுவினர் அனைவரும் கலந்துகொண்டனர். வரும் ஆகஸ்ட்–5ஆம் தேதி வெளியாக இருக்கும் இந்தப் படத்தை சரஸ்வதி எண்டர்பிரைசஸ் சார்பில் செந்தில் வெளியிடுகிறார்.

நடிகர்கள் ; அசோக்குமார், சாந்தினி தமிழரசன், ஷீலா ராஜ்குமார், காதல் சுகுமார், காதல் சரவணன், பாவா லட்சுமணன், நடன இயக்குநர்கள் சுஜாதா, தருண், இரவின் நிழல் படத்தில் நடித்துள்ள மாஸ்டர் ஆரவ் மற்றும் பலர் நடித்துள்ளனர்.