சைக்கோ த்ரில்லர் படமான ‘வெப்’ ஆகஸ்ட 4ல் ரிலீஸ்

‘வெப்’ என்ற பெயரில் சைக்கோ த்ரில்லர் படம் வெளியீட்டிற்குத் தயாராக உள்ளது. ஒளிப்பதிவாளரும், நடிகருமான நட்டி என்கிற நட்ராஜ் கதையின் நாயகனாக நடித்திருக்கிறார். இப்படம் ஆகஸ்ட் 4ஆம் தேதி திரைக்கு வருகிறது. இப்படத்தின் மூலம் ஹாரூனின் இயக்குநராக அறிமுகமாகிறார்.

கிரைம் திரில்லர் ஜேனரில் தயாராகி இருக்கும் இந்தத் திரைப்படத்தை வேலன் புரொடக்சன்ஸ் எனும் பட நிறுவனம் சார்பில் தயாரிப்பாளர் வி.எம். முனிவேலன் தயாரித்திருக்கிறார்.

இப்படத்தில் நட்டி, சசஸ்வி பாலா, ஷில்பா மஞ்சுநாத், சுபப்பிரியா மலர், அனன்யா மணி உள்ளிட்ட பலர் நடித்திருக்கிறார்கள்.

நட்டி நடித்து வரும் படங்கள் குறைந்த முதலீட்டில் தயாராவதும்,  வெளியீட்டிற்குப் பிறகு அவை தயாரிப்பாளருக்கு லாபம் சம்பாதித்துத் தருவதாலும் அவருடைய நடிப்பில் உருவாகும் படங்கள் தொடர்ந்து வெளியாகி வருகிறது.

‘வெப்’ படத்தின் டிரைலர் ஏற்கெனவே வெளியாகிப் பலரது பாராட்டையும் பெற்றது. அதில் உள்ள காட்சிகளில் ஷில்பா மஞ்சுநாத் தலைமையிலான தோழிகள் குழு போதைப்பொருள், பார்ட்டி போன்றவற்றில் ஈடுபடுவதைக் காட்டுவதன் மூலம் ட்ரெய்லர் தொடங்குகிறது. நட்டியின் கதாபாத்திரத்தை அவரது மகள் அல்லது சகோதரியாகத் தோன்றும் இளைய பெண்ணுடன் பார்க்கிறோம். இறுதியில், நட்டியின் மறுபக்கத்தைப் பார்க்கிறோம். அங்கு அவர் ஷில்பாவையும் கும்பலையும் கடத்திச் சென்று அவர்களைக் கொலை செய்ய முயல்கிறார். நட்டி ஏன் சைக்கோ கில்லர் ஆகிறார் என்பதை வெளிப்படுத்தும் வகையில் இப்படம் அமைந்துள்ளது.

சுபப்ரியா மலர், ராஜேந்திரன், அனன்யா மணி மற்றும் ஷாஷ்வி பாலா ஆகியோர் ‘வெப்’பில் நடித்துள்ளனர்.

கிறிஸ்டோபர் ஒளிப்பதிவும், சுதர்சன் படத்தொகுப்பும் செய்திருக்கும் இப்படத்திற்கு கார்த்திக் ராஜா இசையமைத்துள்ளார். வெப் ஏற்கனவே யு/ஏ சான்றிதழுடன் தணிக்கை முடிந்து ஆகஸ்ட் 4ஆம் தேதி திரையரங்குகளில் வர உள்ளது.