1,11,111 கிலோ லட்டு பிரசாதம்..!

ராம நவமியை முன்னிட்டு அயோத்தியில் புதிதாக கட்டப்பட்டுள்ள ராமர் கோயிலில் மக்களுக்கு விநியோகம் செய்வதற்காக மிர்சாபூரில் இருந்து 1,11,111 கிலோ லட்டுகள் அனுப்பப்படுகின்றன.

ராம நவமியை காண அயோத்தி மட்டுமின்றி நாடு முழுவதும் உள்ள பக்தர்கள் உற்சாகமடைந்துள்ளனர்.  இந்நிலையில்,  அயோத்தியில் புதிதாக கட்டப்பட்டுள்ள ராமர் கோயிலில் ஏப்ரல் 17-ம் தேதி 50 லட்சத்துக்கும் அதிகமானோர் கூட்டம் கூடும் என தகவல் தெரிவிக்கப்பட்டுள்ளது.

இந்நிலையில்,  ராம நவமியை முன்னிட்டு மக்களுக்கு விநியோகம் செய்வதற்காக மிர்சாபூரில் இருந்து 1,11,111 கிலோ லட்டுகள் அனுப்பப்படுகின்றன.  தேவ்ராஹா ஹான்ஸ் பாபா டிரஸ்ட் மூலம் பிரசாதம் அனுப்பப்படுகிறது.  முன்னதாக, அயோத்தியில் கோயில் பிரதிஷ்டை செய்யப்பட்ட ஜனவரி 22 ஆம் தேதி தேவ்ரஹா ஹன்ஸ் பாபா ஆசிரமம் 1,111 லட்டுகளை பிரசாதமாக அனுப்பியது.

இது தொடர்பாக அறங்காவலர் அதுல் குமார் சக்சேனா கூறுகையில்,

“தேவ்ராஹா ஹன்ஸ் பாபா ஒவ்வொரு வாரமும் பல்வேறு கோயில்களுக்கு பிரசாதம் அனுப்புகிறார். காசி விஸ்வநாதர் கோயிலோ, திருப்பதி பாலாஜி கோயிலோ எனப் பல்வேறு கோயில்களுக்கு குறைந்தபட்சம் ஐயாயிரம் பிரசாத பாக்கெட்டுகள் அனுப்பப்படுகின்றன. அயோத்தியில் அமைந்துள்ள ராமர் கோயிலில் ஜீவன் கும்பாபிஷேகத்திற்குப் பிறகு முதன்முறையாகக் கொண்டாடப்படும் ராம நவமியைக் கருத்தில் கொண்டு, லட்சக்கணக்கான பக்தர்கள் இங்கு வருவார்கள் என்று எதிர்பார்க்கப்படுகிறது, இதற்காக பலத்த பாதுகாப்பு ஏற்பாடுகள் செய்யப்பட்டுள்ளன.

கண்காட்சியின் சுமூகமான ஏற்பாடுகளுக்காக, முழு கண்காட்சி பகுதியும் மொத்தம் ஏழு மண்டலங்களாகவும், 39 பிரிவுகளாகவும் பிரிக்கப்பட்டுள்ளதாக அதிகாரிகள் தெரிவித்தனர். அதே நேரத்தில், இரண்டு மண்டலங்களாகவும், 11 கிளஸ்டர்களாகவும் பிரித்து போக்குவரத்து அமைப்பு உறுதி செய்யப்படுகிறது”

இவ்வாறு அவர் தெரிவித்துள்ளார்.