நடிகர் பிரபுதேவாவின் ‘பேட்ட ராப்’ திரைப்படம் நாளை ஓடிடியில் வெளியீடு..!

நடிகர் பிரபுதேவாவின் பேட்ட ராப் திரைப்படம் நாளை ஓடிடியில் வெளியாகிறது. நடன இயக்குநராக இருந்து நடிகர், இயக்குநர் என பாலிவுட் வரை வெற்றிகரமாக வலம் வருபவர் பிரபு தேவா. இவர் நடிப்பில் இறுதியாக வெளியான திரைப்படம் ‘பேட்ட ராப்’. இப்படத்தை மலையாள இயக்குநர் எஸ்.ஜே.சினு இயக்கியிருந்தார். இதில் கதாநாயகியாக நடிகை வேதிகா நடித்திருந்தார். புளூ ஹில் பிலிம்ஸ் தயாரிப்பில் உருவான இந்த திரைப்படத்திற்கு டி. இமான் இசையமைத்திருந்தார்.

மேலும், விவேக் பிரசன்னா, பகவதி பெருமாள், ரமேஷ் திலக், கலாபவன் ஷாஜோன், மைம் கோபி, ரியாஸ் கான் உள்ளிட்ட பலர் இந்த திரைப்படத்தில் நடித்திருந்தனர். மேலும், பாலிவுட் நடிகை சன்னி லியோன் ஒரு பாடலுக்கு நடனமாடி இருந்தார். இந்த திரைப்படம் செப்டம்பர் 27 ம் தேதி திரையரங்குகளில் வெளியானது. இத்திரைப்படம் ரசிகர்கள் மத்தியில் கலவையான விமர்சனங்களை பெற்றது. பேட்ட ராப் திரைப்படம் அமேசான் ப்ரைம் ஓடிடி தளத்தில் நாளை (நவம்பர் 15 ) வெளியாகிறது.