கொரோனாவைரஸ் பத்தி நம்பக்கூடாத வதந்திகள் என்னென்ன?

தற்போது மக்கள் அனைவரும் ஆவலுடன் படிக்கும் விஷயம் என்றால் அது கொரோனா தான். எங்கு பார்த்தாலும் சமூக வலைத்தளங்களில் கொரோனா பற்றிய விழிப்புணர்வு செய்திகள் தான். இதற்கிடையில் இதைப் பற்றிய கட்டுக்கதைகளும் பரவி வருகிறது. மக்கள் எதை நம்புவது, பின்பற்றுவது என்ற குழப்பத்தில் இருக்கிறார்கள். அதற்காகத் தான் நாங்கள் உங்களுக்கு சரியான விழிப்புணர்வு தகவலை தருகிறோம். உண்மை என்ன அறிவோம்.

அரசாங்கமும் மக்களுக்கு விழிப்புணர்வை ஏற்படுத்த நிறைய விஷயங்களையும் பாதுகாப்பு நடவடிக்கைகளையும் மொபைல் மூலமாகவும் செய்திகள் மூலமாகவும் பரப்பி வருகின்றனர். ஆனால் என்றைக்கும் உண்மைக்கு மத்தியில் ஏராளமான கட்டுக்கதைகளும் பொய்களும் குடிபுகத்தான் செய்யும். மக்களிடையே சரியான விழிப்புணர்வை கொண்டு சேர்ப்பது தகவல் தொடர்பின் பணியாக இருக்க வேண்டும். ஆனால் என்னவோ இங்கே அது சரியாக நடப்பதில்லை. நீங்கள் நினைக்கலாம் இந்த கட்டுக்கதைகளால் பெரிதாக என்ன ஆகி விட முடியும் என்று கூறலாம்.

ஆனால் கொஞ்சம் யோசித்து பாருங்கள் இளைஞர்களுக்கு கொரோனா பாதிப்பு இருக்காது என்றால் என்னவாகும். அவர்கள் விழிப்புணர்வோடு இருக்க மாட்டார்கள். சுகாதார முறையை கடைபிடிக்க மாட்டார்கள். தனிமையில் இருக்க மாட்டார்கள். இது சரியா? கண்டிப்பாக கிடையாது. அவர்களுக்கும் கொரோனா பாதிப்பு ஏற்படுகிறது. இது தெரியாமல் இருந்தால் அவர்களிடமிருந்து மற்றவர்களுக்கு பரவக் கூடும். வயதானவர்களுக்கு, குழந்தைகளுக்கு என்று பரவக் கூடும். எனவே கொரனோ பற்றிய எந்தவொரு சிறிய தகவலாக இருந்தாலும் அது பெரிது. ஒரு உயிரை காப்பாற்ற நீங்கள் செய்யக் கூடிய விழிப்புணர்வு செயல். எனவே வேண்டாத கட்டுக் கதைகளையும் வதந்திகளையும் முதலில் பரப்பி விடாதீர்கள். அதே மாதிரி அப்படி பரப்பி விட்ட கட்டுக்கதைகள் எவை என்பதையும் தெரிந்து மற்றவர்களுக்கு தெரியப்படுத்துவது நன்மை தரும்.

இளைஞர்களை கொரோனா வைரஸ் பற்றி கவலைப்படத் தேவையில்லை
உண்மை என்ன?
மக்கள் ஒன்று புரிந்து கொள்ள வேண்டும். இந்த புதிய கொரோனா வைரஸ் ஒரு தொற்று நோயாகும். இதற்கு வயது வித்தியாசமெல்லாம் கிடையாது. யாரை வேண்டுமானாலும் தாக்க கூடியது. இளைஞர்களும் இதற்கு பலிகடா தான். ஒரு இளைஞனை இந்த தொற்று நோய் தொற்றும் போதும் அது மற்ற வயதானவர்களையும், குட்டிக் குழந்தைகளையும், தன்னைச் சுற்றியுள்ள அனைவரையும் தொற்ற வாய்ப்புள்ளது. எனவே பொது சுகாதார முறைகளை அனைவரும் கடைபிடிப்பது அவசியம். இதில் நான் இளைஞன் வயதானவர் என்றெல்லாம் கிடையாது. பாதிக்கப்பட்ட நபர் யாராக இருந்தாலும் தனியாக இருப்பது உங்களைச் சுற்றியுள்ள மற்ற குடும்பத்தாரை பாதிக்காமல் இருக்கும் என்பதை மறவாதீர்கள். தயவு செய்து வீண் வதந்திகளை நம்பி தவறான விழிப்புணர்வு பெற வேண்டாம். அனைவரும் உலக சுகாதார மையம் கூறுகின்ற படி சுகாதார நடவடிக்கைகளை பின்பற்றி வாருங்கள்.

மாஸ்க் போட்டால் கொரோனா பாதிப்பு வராதா
உண்மை என்ன?
யாரெல்லாம் மாஸ்க் போட வேண்டும் என்று உலக சுகாதார நிறுவனம் கூறியுள்ளது தெரியுமா?
கொரோனா வைரஸால் பாதிக்கப்பட்ட நபருக்கு மருத்துவ வசதிகளை செய்யும் மருத்துவர்கள், கொரோனா அறிகுறிகள் அதாவது இருமல், தும்மல் இருக்கும் நபர்கள் மட்டுமே மாஸ்க் அணிய வலியுறுத்தியுள்ளனர்.
ஆனால் நம் மக்கள் அதை தவறாக புரிந்து கொண்டு அனைவரும் மாஸ்க் அணிய முற்பட்டுள்ளனர்.கொரோனா பாதிப்பில்லாத ஒருவர் மாஸ்க் அணிவது ஒரு மாஸ்க்கை நீங்கள் வீணடிப்பதற்கு அர்த்தம். இருமல், தும்மல் இருப்பவர்கள் மற்றவர்களுக்கு தொற்றை பரப்பாமல் இருக்கவே மாஸ்க் பரிந்துரைக்கப்பட்டுள்ளது. ஆனால் தவறான புரிதலால் இன்று உலகமெங்கும் மாஸ்க் தட்டுப்பாடு ஏற்பட்டுள்ளது. எனவே மாஸ்க் அணிவதை விட, COVID-19 பரவுவதைத் தடுப்பதில் உங்கள் பங்கை நீங்கள் புரிந்து கொள்ள வேண்டும். மேலும் உலக சுகாதார நிறுவனம் கூறிய தடுப்பு நடவடிக்கைகளை முடிந்தவரை எல்லாரும் பின்பற்றுங்கள். அடிக்கடி கைகளை மட்டும் சுத்தப்படுத்திக் கொள்ளுங்கள்.

கொரோனா வைரஸ்யை மெயில் மூலம் பரப்பலாம்
உண்மை என்ன?
புதிய கொரோனா வைரஸ் எப்படி பரவுகிறது என்பது இன்னும் மருத்துவர்களுக்கே திட்டவட்டமாக தெரியவில்லை. ஆனால் நம் மக்கள் என்னவோ உணவு, அஞ்சல் வழியாக பரப்பலாம் போன்ற கட்டுக்கதைகளை நம்பியும் பரப்பியும் வருகின்றனர். இந்த வைரஸ் பாதிக்கப்பட்ட நபரின் சுவாச துளிகள் வழியாக பரவுகிறது என்பது தான் தற்போதைய உண்மை. இந்த வைரஸை அஞ்சல் வழியாக பிடித்து அனுப்புவதோ அல்லது வெப்பநிலை போன்ற காரணிகளோ குறைவு என்கிறது உலக சுகாதார நிறுவனம். இதைத் தவிர மற்ற சில பரப்புகளில் இந்த வைரஸ் மறைந்திருக்க வாய்ப்புள்ளது என்கிறது உலக சுகாதார நிறுவனம்.

செல்லப் பிராணிகள் கொரோனா வைரஸ்யை பரப்புமா
உண்மை என்ன?
இந்த புதிய கொரோனா வைரஸ் விலங்குகளிடமிருந்து தோன்றியது என்பதற்கு இதுவரை எந்த ஆதாரமும் இல்லை. அதே மாதிரி இது செல்லப் பிராணிகளுக்கு பரவும் என்பதற்கும் இதுவரை எந்த ஆதாரமும் அறியப்படவில்லை என்பதை மக்கள் புரிந்து கொள்ள வேண்டும். ஆரம்ப காலத்தில் விலங்குகளிடம் இருந்து இந்த வைரஸ் தொற்று பரவுவதற்கான வாய்ப்பு இருக்கிறதா என்ற நோக்கில் ஆராயப்பட்டது. ஆனால் அதற்கான தக்க சான்றுகள் எதுவும் இல்லை.

அதிக வெப்பநிலை கொரோனா வைரஸ்யை கொல்லுமா
உண்மை என்ன?
கைகளிலுள்ள ஈரப்பதத்தை உலர்த்திக் கொள்வது, சூடான குளியல் போன்றவை கொரோனா வைரஸ் தொற்றையெல்லாம் தடுக்காது. இந்த COVID-19 வைரஸ் வானிலை மற்றும் வெப்பநிலை மாற்றத்தால் அழியுமா என்பதற்கும் எந்த ஆதாரமும் இல்லை. எனவே மக்கள் கொரோனா பரவாமல் இருக்க ஒரே வழி ஆல்கஹால் சார்ந்த சானிட்ரைசரால் (60% ஆல்கஹால்) அடிக்கடி கைகழுவது மட்டுமே என்று கூறியுள்ளது உலக சுகாதார நிறுவனம்.

தெர்மல் ஸ்கேனிங் மூலம் கொரோனா வைரஸை கண்டறியலாமா
உண்மை என்ன
தற்போது விமான நிலையங்கள் போன்ற இடங்களில் பயன்படுத்தும் தெர்மல் ஸ்கேனர்ஸ் ஒரு நபருக்கு காய்ச்சல் இருக்கிறதா இல்லையா என்பதை மட்டுமே காட்டும். அவருக்கு COVID-19 அறிகுறிகள் இருப்பதெல்லாம் தெரியாது. COVID-19 அறிகுறிகள் தெரிய 2-10 நாட்களாவது ஆகும். எனவே தெர்மல் ஸ்கேனர்ஸ் மூலம் கொரோனாவால் பாதிக்கப்பட்ட நப

மூக்கை உப்பு நீரால் சுத்தப்படுத்தினால் தொற்று வராதா
உண்மை என்ன
வழக்கமாக சாதாரண சளி பிடித்த சமயங்களில் மூக்கை உப்பு நீரால் சுத்தப்படுத்தினால் சலதோஷம் குறைய வாய்ப்புள்ளது. ஆனால் COVID-19 போன்ற சுவாச நோய் தொற்றை குறைக்கும் என்பதற்கு எந்த ஆதாரமும் இல்லை. இதை தடுக்க ஒரே வழி நீங்கள் கைகளில் சுகாதார நடவடிக்கைகளை பின்பற்றுங்கள்.

தடுப்பூசி COVID-19 வராமல் தடுக்குமா
உண்மை என்ன
இதுவரை இந்த புதிய கொரோனா வைரஸ்க்கு எந்தவொரு தடுப்பூசியும் கண்டறிய முடியவில்லை. மருத்துவர்கள் மற்றும் ஆராய்ச்சியாளர்கள் இந்த தீவிர பணியில் ஈடுபட்டு வருகின்றனர். ஆனால் அந்த மருந்தை மனிதர்களில் சோதிக்க சில காலம் எடுக்கும் என்பதை மக்கள் புரிந்து கொள்ள வேண்டும்.
COVID-19 லிருந்து உங்களை பாதுகாக்க ப்ளீச்சை வைத்து கொப்பளித்தல் (சோடியம் ஹைப்போ குளோரைட்), அசிட்டிக் அமிலம் அல்லது ஸ்டீராய்டு அல்லது எஸன்ஷியல் ஆயில், உப்பு நீர், எத்தனால் மற்றும் இதர பொருட்களைக் கொண்டு பாதுகாத்துக் கொள்ள முடியுமா
உண்மை என்ன?
கண்டிப்பாக கிடையாது. மேற்கண்ட பொருட்கள் உங்களை COVID-19 லிருந்து பாதுகாக்காது. அதையும் மீறி இந்த பொருட்களை பயன்படுத்துவது உங்களுக்கு ஆபத்து விளைவிக்கும்.
உண்மையில் கொரோனாவிலிருந்து உங்களை பாதுகாத்துக் கொள்ள கீழ்க்கண்ட வழிகள் மட்டுமே முக்கியம். இதுவே கை கொடுக்கும்.
அடிக்கடி சோப்பு மற்றும் சூடான நீரைக் கொண்டு கைகளை கழுவிக் கொள்ளுங்கள்.
இருமல் மற்றும் தும்மல் இருப்பவர்களிடம் நெருங்கிய தொடர்பு கொள்ள வேண்டாம்.
பாதிக்கப்பட்ட நபர் வீட்டிலேயே தனிமையில் இருப்பதன் மூலம் மற்றவர்களுக்கும் உங்கள் குடும்பத்தாருக்கும் கிருமிகளை பரப்புவதை தவிர்க்கலாம்.

சீனாவில் இருந்து ஆர்டர் செய்யும் பொருட்கள் மற்றும் வாங்கும் பொருட்கள் நோயை பரப்புமா
உண்மை என்ன?
இது குறித்து மருத்துவர்கள் இன்னும் ஆராய்ச்சியில் தான் இருக்கிறார்கள். இந்த கொரோனா வைரஸ் மிக நீண்ட காலம் மேற்பரப்பில் இருக்க வாய்ப்பில்லை. எனவே நாட்கள் அல்லது வாரங்கள் கடந்த போக்குவரத்து பொருட்களில் இருந்து இதைப் பெறுவதற்கு வாய்ப்பில்லை. இதுவரை COVID-19 வைரஸ் பாதிக்கப்பட்ட நபரின் இருமல் மற்றும் தும்மல் நீர்த்துளிகள் வழியாக மட்டுமே பரவுகிறது. COVID-19 பற்றிய கூடுதல் தகவல்களை மருத்துவர்கள் ஆராய்ச்சி செய்து வருகின்றனர்.
எனவே மக்கள் மேற்கண்ட உண்மைகளை புரிந்து கொண்டு சரியான விழிப்புணர்வை மட்டுமே பெற வேண்டும் என்று கேட்டுக் கொள்ளப்படுகிறது. தேவையில்லாத கட்டுக்கதைகளையும் வதந்திகளையும் நம்பியும் பரப்பவும் வேண்டாம். நீங்கள் செய்யும் தவறான தகவல்கள் வேறு விதமான விளைவுகளை ஏற்படுத்த வாய்ப்புள்ளது. உங்களின் சரியான ஒவ்வொரு விழிப்புணர்வு மெசேஜ்யும் ஒரு உயிரை காக்கும் என்பதை மறவாதீர்கள். அனைவரும் சுகாதார நடவடிக்கைகளை கடைபிடித்து COVID-19 யை விரட்டுவோம்.