மதுரையில் ஸ்மார்ட் சிட்டி பணியின்போது லாரி விபத்து: 3 தொழிலாளர்கள் பலி…!!

  மதுரையில் ஸ்மார்ட் சிட்டி பணியின்போது உறங்கிக் கொண்டிருந்த தொழிலாளர்கள் மீது லாரி ஏறியதில் மூன்று பேர் பலியாகினர்.

மதுரை வைகை ஆற்றின் ஸ்மார்ட் சிட்டி திட்டத்தின் கீழ் நடைபெறும் பணியின்போது இன்று (புதன்கிழமை) அதிகாலை உறங்கிக் கொண்டிருந்த தொழிலாளர்கள் மீது லாரி ஏறியதில் சேலத்தைச் சேர்ந்த வெங்கடேசன் மற்றும் பெரியசாமி சம்பவ இடத்திலேயே பலியானார்கள். இதையடுத்து, படுகாயமடைந்த சென்னையைச் சேர்ந்த பாபு என்ற தொழிலாளி மதுரை அரசு ராஜாஜி மருத்துவமனையில் அனுமதிக்கப்பட்டார்.

  இந்நிலையில், பாபுவும் சிகிச்சை பலனின்றி உயிரிழந்தார். இதன்மூலம், இந்த விபத்தில் பலி எண்ணிக்கை மூன்றாக உயர்ந்துள்ளது.