சூப்பர், வாழ்த்துக்கள். பார்த்து இருந்து கொள்ளுங்கள். டப்பிங் தியேட்டரில் இருந்து ஏதாவது வீடியோக்கள், புகைப்படங்கள் கசிந்து விடப் போகிறது. சம்பள பாக்கியால் நயன்தாரா கடைசி நாள் படப்பிடிப்பில் கலந்து கொள்ளவில்லையே.

      சம்பள பிரச்சனை தீர்ந்துவிட்டதா, அவர் டப்பிங் பேசுவாரா இல்லை வேறு யாரையாவது வைத்து வேலையை முடித்துவிடுவீர்களா என்று கேள்வி எழுப்பியுள்ளனர்.

தர்பார் படத்தின் போட்டோஷூட் துவங்கியதில் இருந்து புகைப்படங்கள், வீடியோக்கள் தொடர்ந்து கசிந்து வந்தன. முருகதாஸ் பாதுகாப்பு ஏற்பாடுகள் செய்த போதிலும் இப்படி நடந்தது. படக்குழுவை சேர்ந்த யாரோ தான் இந்த சம்பவத்திற்கு பின்னால் இருப்பதாக பேசப்படுகிறது.

இந்நிலையில் தான் ரஜினி ரசிகர்கள் முருகதாஸை எச்சரிக்கையுடன் இருக்குமாறு வலியுறுத்தியுள்ளனர் என்பது குறிப்பிடத்தக்கது. தர்பார் படம் அடுத்த ஆண்டு பொங்கல் பண்டிகை ஸ்பெஷலாக ரிலீஸாக உள்ளது. அதே பண்டிகையையொட்டி தனுஷின் பட்டாஸ் படத்தையும் வெளியிட திட்டமிட்டுள்ளனர்.

ஆக, வரும் பொங்கல் மாமா, மருமகன் மோதும் பொங்கல் என்றும் வைத்துக் கொள்ளலாம் இல்லை என்றால் இருவரும் சேர்ந்து வரும் பொங்கல் என்றும் கூறலாம்.