தல …புது கெட்டப்
நேர்கொண்ட பார்வை படத்தை தொடர்ந்து மீண்டும் அஜித், வினோத் இயக்கத்தில் நடிக்கவுள்ளார் என்றும் அந்த படத்தை போனி கபூர் தயாரிக்கிறார் என்பதும் அனைவரும் அறிந்த ஒன்றே.
இந்த நிலையில் தற்காலிகமாகத் தல 60 என்று பெயரிட்டுள்ள இப்படத்திற்கு வலிமை என்று பெயரிட்டுள்ளதாகத் தகவல் வெளியாகி உள்ளது. அஜித் இதில் போலீஸ் அதிகாரியாக நடிக்கிறார் என்று ஏற்கனவே தகவல் வெளியானது.
அது மட்டுமின்றி இதில் அஜித் மகளாக அனிகா நடிக்கவுள்ளதாகக் கூறப்படுகிறது. ஏற்கனவே இவர் என்னை அறிந்தால் மற்றும் விஸ்வாசம் படத்தில் அஜித்துக்கு மகளாக நடித்துள்ளார் என்பது குறிப்பிடத்தக்கது.
இந்த நிலையில் இதில் அஜித்துக்கு ஜோடியாக நயன்தாரா நடிக்கவுள்ளதாகச் செய்திகள் வெளியானது. ஆனால் தற்போது அந்த லிஸ்டில் கீர்த்தி சுரேஷ் பெயர் அடிப்படுகிறது. தல 60 படத்தின் பூஜை இன்று நடைபெறுவதாகக் கூறப்பட்டது.
இதற்காக போனி கபூரும், பாலிவுட் நடிகர் அஜய் தேவ்கனும் சென்னை வந்ததிருக்கும் புகைப்படம் வெளியானது. இதனால் நேற்றிலிருந்து #THALA60PoojaDay என்ற ஹாஸ் டேக்கை அஜித் ரசிகர்கள் ட்விட்டரில் ட்ரெண்ட் செய்து வருகின்றனர்.
முன்னதாக போனி கபூர் நடிப்பில் ஹெச்.வினோத் இயக்கத்தில் வெளியான ‘நேர்கொண்ட பார்வை’ நல்ல வரவேற்பைப் பெற்றது. ஒரு பெண் நோ என்று சொன்னால் அதன் அர்த்தம் நோ என்று அஜித் பேசிய வசனத்திற்கு அரங்கத்தில் விசில் சத்தம் பறந்தது என்பது குறிப்பிடத்தக்கது.
