பிக்பாஸ் கமலுக்கு “நோ” சொன்ன ப்ரபல நடிகர்…!

பல்வேறு சண்டைகளும் சர்ச்சைகளும் இருந்தாலும் பரபரப்பிற்கு பஞ்சமில்லாத ப்ரபல நிகழ்ச்சி தான் பிக்பாஸ். நடிகர் கமல்ஹாசன் விஜய் டிவியில் ஒளிபரப்பாகி வரும் இந்த பிக் பாஸ் ஷோவை கடந்த ஆறு சீசன்களாக தொகுத்து வழங்கி வருகிறார்.

அடுத்து 7ம் சீசன் விரைவில் தொடங்க இருக்கிறது. அதற்கான முதற்கட்ட பணிகளை சேனல் நிவாகம் செய்ய தொடங்கி இருக்கிறது.

இந்த பிக் பாஸ் நிகச்சியில் பாசிடிவ் , நெகடிவ் என இரண்டுமே இருக்கிறது. அதனால் பிரபலங்கள் பலரும் இதில் கலந்து கொள்வதில் சற்றும் தயக்கம் காட்டி வருவதாக சொல்லப்படுகிறது. அதே சமயம் விஜய் டிவி சின்னத்திரை பிரபலங்கள் பிக் பாஸ் நிகழ்ச்சியில் கலந்து கொள்ள ஆர்வம் காட்டுவதாகவும் கூறப்படுகிறது. 

இந்த வருடம் பிக் பாஸில் யாரெல்லாம் போட்டியாளராக வர போகிறார்கள் என ரசிகர்கள் பெரிய எதிர்பார்ப்பில் காத்திருக்கின்றனர். இது குறித்து பல்வேறு தகவல்கள் வலைதளங்களில் சுற்றியும் வருகிறது.

இந்நிலையில் நடிகர் அப்பாஸ் இத்தனை வருடங்கள் வெளிநாட்டில் இருந்த நிலையில் தற்போது சென்னைக்கு திரும்பி பல மீடியாக்களுக்கு பேட்டி கொடுக்க தொடங்கி இருக்கிறார்.

அதில் தன்னை பிக் பாஸ் வரும்படி கமல்ஹாசன் போன் செய்து அழைத்தார், ஆனால் அது எனக்கு செட் ஆகாது என கூறி மறுத்துவிட்டேன் என அப்பாஸ் கூறி இருக்கிறார்.