வசூலில் கலக்கிய போர்தொழில் படம் இப்போது சோனி லைவ்வில்….!

அப்பாடா ! கடைசியில் ஒரு வழியாக அசோக் செல்வன், சரத்குமார் நடித்துள்ள ‘போர் தொழில்’ சோனி லிவ் ஓடிடி தளத்தில் வெளியாகியுள்ளது. இத்திரைபடம் பல முறை ஒடிடியில் வெளியாகப்போவதாக தகவல் வந்து பின்னர் கைவிடப்பட்டது. தியேட்டரில் படம் நன்றாக ஒடியதால் ஒடிடி ரிலீஸ் தள்ளி போவதாக தகவல் வெளியானது.

விக்னேஷ் ராஜா இயக்கத்தில் அசோக் செல்வன், சரத்குமார் நடித்துள்ள படம் ‘போர் தொழில்’. கடந்த ஜூன் 9-ம் தேதி திரையரங்குகளில் வெளியான இப்படத்தில் இவர்களுடன் நிகிலா விமல், நிழல்கள் ரவி, சரத்பாபு உள்ளிட்ட பலர் நடித்திருந்தனர்.

சரத்பாபு நடித்த கடைசி படமாக இப்படம் வெளியாகியிருந்தது. படத்துக்கு ஜேக்ஸ் பிஜோய் இசையமைத்திருந்தார். ரூ.7 கோடிக்கும் குறைவான பட்ஜெட்டில் உருவானதாக கூறப்படும் படம் ரசிகர்களிடையே கிடைத்த வரவேற்பின் காரணமாக ரூ.50 கோடியை வசூலித்துள்ளதாக தகவல் வெளியாகியுள்ளது.

சீரியல் கில்லர் ஜானர் கதையை விறுவிறுப்பு குறையாமல் திரைக்கதை ஆக்கியுள்ளார் டைரக்டர். இப்படம் அசோக் செல்வன், சரத்குமாரின் நடிப்பில் ரசிகர்களிடையே அதீத பாராட்டை பெற்றது. இந்நிலையில், இப்படம் தற்போது சோனி லைவ் ஓடிடியில் வெளியாகி உள்ளது.