தங்க பொண்ணுவின் “தண்டட்டி” ஒடிடியில்…..!!! – தனுஜா ஜெயராமன்.

நடிப்பு திலகம் பசுபதி நடிப்பில் ராம்சங்கையா என்ற அறிமுக இயக்குனர் எழுதி இயக்கிய திரைப்படம் “தண்டட்டி” . இத்திரைப்படம் தற்போது ஒடிடியில் வெளியாக உள்ளது.

தண்டட்டி என்பது என்ன என்று தெரியுமா? அதை தெரிந்து கொள்ள இந்த “தண்டட்டி” திரைப்படத்தை பாருங்க..நம்ம பாரம்பர்யத்தை தெரிந்து கொள்ளுங்க..

பிரின்ஸ் பிக்சர்ஸ் சார்பில் லக்ஷ்மன் குமார் தயாரிப்பில் பசுபதி, ரோகினி, அம்முஅபிராமி, தீபா சங்கர், செம்மலர் அன்னம், விவேக் பிரசன்னா நடிப்பில் ராம்சங்கையா என்ற அறிமுக இயக்குனர் எழுதி இயக்கி உள்ள திரைப்படம் “தண்டட்டி”

தேனி மாவட்ட பகுதியில் வசித்து வரும் தங்கப் பொண்ணு என்னும் மூதாட்டியின் காணாமல் போகும் தண்டட்டி பற்றி பேசுகிறது இத்திரைபடம். தண்டட்டி பற்றி அறியாத இளம் தலைமுறைக்கு அது குறித்து தெரிவிக்க இந்த திரைப் படம் எடுத்த இயக்குனர் ராம் சங்கைய்யாவை பலரும் பாராட்டியுள்ளனர்.

அவரது தண்டட்டியைத் தேடி விசாரணை மேற்கொள்ளும் போலீசான பசுபதியின் நடிப்பு வழக்கம் போல ப்ரமாதம்.

பாட்டியின் தண்டட்டி என்ன ஆனது? எங்கே போனது தெரியுமா?

திரையரங்கில் வெளியாகி பலரின் பாராட்டுதல்களை பெற்ற இந்த திரைப்படத்தினை திரையில் படத்தை பார்க்காதவர்கள் வரும் ஜூலை 14 ஆம் தேதி அமேசான் ஓடிடி தளத்தில் கண்டு மகிழலாம்.