‘முஃபாசா : தி லயன் கிங்’ படத்தின் பைனல் தமிழ் டிரெய்லர் வெளியானது..!

குழந்தைகள் முதல் பெரியவர்கள் வரை அனைவருக்கும் பிடித்த ஒரு ஹாலிவுட் மூவி லயன் கிங். வால்ட் டிஸ்னி தயாரிப்பில் முதன்முதலாக 1994ஆம் ஆண்டு “தி லயன் கிங்” அனிமேஷன் வடிவில் வெளியானது. இதையடுத்து டேரல் ரூனி இயக்கத்தில் “தி லயன் கிங் II – சிம்பாஸ் பிரைடு” 1998ஆம் ஆண்டு வெளியானது.

தொடர்ந்து 1994-ல் வெளியான ‘தி லயன் கிங்’(The Lion King) திரைப்படம் 2019ம் ஆண்டு ரீமேக் செய்யப்பட்டது. இதுவும் பாக்ஸ் ஆபிஸில் பட்டையை கிளப்பியது. லயன் கிங் படத்திற்கு என ஒரு தனி ரசிகர் பட்டாளமே உள்ளது. சிம்பாவை தூக்கி அனைத்து காட்டு விலங்களுக்கும் காட்டும் காட்சி இன்னும் சமூக வலைத்தளங்களில் வலம் வந்து கொண்டுதான் உள்ளது.

இந்நிலையில், சூழ்ச்சியால் கொலை செய்யப்படும் சிம்பாவின் தந்தை முஃபாசா கடந்து வந்த பாதையை வைத்து உருவாகியுள்ளது ‘முஃபாசா : தி லயன் கிங்’ படம். அரச குடும்பத்தை சாராது, அனாதையாக வளர்ந்து தனக்கான ஆட்சியை உருவாக்கும் முஃபாசாவின் கதை மெய்சிலிர்க்க வைக்கிறது. இந்நிலையில் முஃபாசா படத்தின் பைனல் தமிழ் டிரெய்லர் இன்று வெளியாகி உள்ளது.

இப்படத்தை ஆஸ்கர் விருதை வென்ற ஜெஃப் நதன்சன் எழுத பேரி ஜென்கின்ஸ் இயக்கியுள்ளார். இப்படம் வருகிற டிசம்பர் 20 ஆம் தேதி வெளியாகவுள்ளது.