த​லைவி

மறைந்த தமிழக முதல்வர் ஜெயலலிதாவின் வாழ்க்கை வரலாறை, தலைவி எனும் தலைப்பில் இயக்குநர் ஏ.எல். விஜய் இயக்கி வருகிறார். இதில், கங்கனா ரனாவத் ஜெயலலிதாவாக நடித்துள்ள ஃபர்ஸ்ட் லுக் போஸ்டர் மற்றும் படத்தின் ரிலீஸ் தேதி தற்போது அறிவிக்கப்பட்டுள்ளது.

தலைவி படம் தொடர்பாக, கங்கனா ரனாவத் கூறியதாவது, இந்த நூற்றாண்டின் மிகப்பெரிய வெற்றி பெற்ற பெண் நட்சத்திரம் ஜெயலலிதா . அவரின் வாழ்க்கை வரலாற்று படத்தில் நான் அவரது கேரக்டரில் நடிக்கிறேன் என்பதை என்னால் நம்பவே முடியவில்லை. இந்த படத்தில் நடிப்பதற்காக பெருமைப்படுவதாக அவர் கூறினார்.

முன்னாள் முதல்வர் ஜெயலலிதா மறைந்தவுடன் அவரது வாழ்க்கை வரலாறை படமாக இயக்க பலரும் முனைப்பு காட்டினர். அதில் பிரம்மாண்ட பொருட்செலவில் பாலிவுட் நடிகை கங்கனா ரனாவத்தை ஜெயலலிதாவாக நடிக்க வைத்து தலைவி என்ற தலைப்பில் ஏ.எல். விஜய் இந்த படத்தை இயக்கி வருகிறார்.

தமிழ், தெலுங்கு, ஹிந்தி உள்ளிட்ட மொழிகளில் பிரம்மாண்டமாக உருவாகி வரும் தலைவி படம் அடுத்த ஆண்டு ஜூன் 26ம் தேதி திரைக்கு வருகிறது.