கோடை விடுமுறையில் ‘கல்கி 2898 ஏடி’….!

நாக் அஸ்வின் இயக்கத்தில், பிரபாஸ், அமிதாப் பச்சன், தீபிகாபடுகோன், திஷா பதானி, பசுபதி நடிக்கும் படம் ‘கல்கி 2898 ஏடி’. பான் இந்தியா முறையில் உருவாகும் இந்த படத்துக்கு சந்தோஷ் நாராயணன் இசையமைக்கிறார். சயின்ஸ் ஃபிக்‌ஷன் படமான இதை வைஜெயந்தி மூவீஸ் தயாரிக்கிறது.

மெகா பட்ஜெட்டில் உருவாகும் இந்த படத்தில் கமல்ஹாசன் வில்லனாக நடிப்பதாக கூறப்படுகிறது.

இந்நிலையில் நிறுத்தப்பட்டிருந்த இதன் படப்பிடிப்பு இப்போது ஹைதராபாத்தில் மீண்டும் தொடங்கியுள்ளது.

வரும் 28-ம் தேதி வரை இங்கு படப்பிடிப்பு நடக்க உள்ளது.

நடிகர் கமல்ஹாசன் அமெரிக்காவில் இருப்பதால் இன்னும் சென்னை திரும்பவில்லை. அவர் வந்த பிறகு, இதன் படப்பிடிப்பில் கலந்துகொள்வார் என்று கூறப்படுகிறது.

பான் இந்தியா படமான இப்படம் அமெரிக்காவின் சான் டியாகோ நகரில் நடைபெற்ற காமிக் கான் நிகழ்ச்சியில் தலைப்பு மற்றும் க்ளிம்ப்ஸ் காட்சிகள் வெளியிடப்பட்டது என்பது குறிப்பிடதக்கது.

பிரபல இயக்குநர் ராஜமௌலியும் படக்குழுவினருக்கு தன்னுடைய ட்விட்டர் பக்கத்தில் பாராட்டு தெரிவித்திருந்தார். பிரபாசின் நடிப்பு உள்ளிட்டவற்றிற்கு பாராட்டு தெரிவித்திருந்த அவர், படத்தின் ரிலீஸ் தேதி குறித்தும் கேள்வி எழுப்பியிருந்தார்.

அந்த வகையில் தற்போது ஜனவரியில் வெளியாகவுள்ளதாக அறிவிக்கப்பட்டிருந்த இந்தப் படத்தின் ரிலீஸ் தேதி தற்போது தள்ளிப்போகவுள்ளதாக தகவல்கள் வெளியாகியுள்ளன. மே மாதத்தில் கோடைக் கொண்டாட்டமாக இந்தப் படம் வெளியாகவுள்ளதாக தற்போது தகவல்கள் தெரிவிக்கின்றன