“சுழல் “ வெப் தொடரின் இரண்டாம் பாகமா?

அமேசான் பிரைமில் கடந்த ஆண்டு ஜூன் 17-ந் தேதி வெளியான “சுழல் “ வெப் தொடர் பல்வேறு தரப்பில் சிற்ப்பான வரவேற்பை பெற்று இருந்தது. இந்நிலையில், இந்த வெப் தொடரின் இரண்டாம் பாகம் தற்போது தயாராகவுள்ளதாக தகவல்கள் வெளியாகியுள்ளது.

விக்ரம் வேதா படத்தின் இயக்குனர்கள் புஷ்கர் – காயத்ரியின் சொந்த பட தயாரிப்பு நிறுவனமான வால் வாட்சர் பிலிம்ஸ் எனும் நிறுவனத்தின் சார்பில் தயாரான முதல் வெப் தொடர் ‘ சுழல்- தி வோர்டெக்ஸ்’.

இயக்குனர்கள் பிரம்மா மற்றும் எம்.அனுசரண் இயக்கத்தில் உருவான இந்த வெப் தொடரில் ஆர்.பார்த்திபன், கதிர், சந்தானபாரதி, பிரேம், ஐஸ்வர்யா ராஜேஷ், ஸ்ரேயா ரெட்டி, நிவேதா சதீஷ் உள்ளிட்ட பலர் நடித்திருந்தனர்.

இந்த தொடர் ஒடிடியில் வெளியான போது ஒடிடி ரசிகர்களின் ஏகோபித்த வரவேற்புனையும் நல்ல விமர்சனத்தையும் பெற்று சிறப்பாக பலராலும் பேசப்பட்டது. குழந்தைகள் பாலியல் துன்பம் குறித்த பேசிய வெப் தொடர்.

புஷ்கர் – காயத்ரி ‘சுழல்’ இரண்டாம் பாகத்திற்கு கதை எழுதி வருவதாகவும் விரைவில் படப்பிடிப்பு நடைபெறவுள்ளதாகவும் தகவல்கள் வெளியாகி உள்ளது.முதல் பாகத்திற்கு நல்ல வரவேற்பினை தந்த ஒடிடி இரசிகர்கள் இரண்டாம் பாகத்திற்காக ஆவலுடன் காத்திருக்கின்றனர்.