கேப்டன் மில்லர் டீஸர் வெளியீடு எப்போது தெரியுமா?

இயக்குனர் அருண் மாதேஸ்வரன் இயக்கத்தில் தனுஷ் தற்போது ‘கேப்டன் மில்லர்’ படத்தில் நடித்து வருகிறார்.

தனுஷ் நடிப்பில் மிக நீண்ட எதிர்பார்ப்புகளுக்கு மத்தியில் ‘கேப்டன் மில்லர்’ படம் உருவாகி வருகிறது. அருண் மாதேஸ்வரன் இயக்கத்தில் தயாராகி வரும் இதன் படப்பிடிப்பிற்காக நீண்ட தலைமுடி, தாடி என மிரட்டலான லுக்கில் வலம் வந்தார் தனுஷ்.

வரலாற்று பாணியில் உருவாகி வரும் இப்படத்திற்கு ஜி.வி. பிரகாஷ் இசையமைக்கிறார். இதில் பிரியங்கா அருள் மோகன், நிவேதிதா சதிஷ், ஜான் கொக்கன், சுமேஷ் மூர் மற்றும் சிவராஜ்குமார் ஆகியோர் முக்கிய கதாபாத்திரங்களில் நடிக்கின்றனர்.
இப்படத்தின் படப்பிடிப்பு விறுவிறுப்பாக நடைபெற்று வருகிறது.

‘கேப்டன் மில்லர்’ திரைப்படத்தின் ஃபர்ஸ்ட்லுக் போஸ்டர் சமீபத்தில் வெளியாகி கவனம் ஈர்த்தது. இந்நிலையில் கேப்டன் மில்லர் படத்தின் டீசர் குறித்த அதிகாரப்பூர்வ அறிவிப்பை படக்குழு வெளியிட்டுள்ளது.

அதன்படி இந்த டீசர் ஜூலை 28ம் தேதி வெளியாகவுள்ளதாக போஸ்டர் வெளியிட்டு தெரிவிக்கப்பட்டுள்ளது. இந்த அறிவிப்பால் ரசிகர்கள் உற்சாகத்தில் உள்ளனர்.