சினிமாவில் தலையை காட்டுகிறாரா “தல ” தோனி…!!

தோனியின் தயாரிப்பு நிறுவனம் தயாரித்த ’எல்ஜிஎம்’ என்ற திரைப்படம் வரும் 28ஆம் தேதி வெளியாக இருக்கும் நிலையில் இந்த படத்தில் தல தோனி ரசிகர்களுக்கு ஒரு ஆச்சரியம் காத்திருப்பதாக வெளியாகியிருக்கும் செய்தி பரபரப்பை ஏற்படுத்தியுள்ளது.

பிரபல கிரிக்கெட் வீரரும் சென்னை சூப்பர் கிங்ஸ் அணி தலைவருமாகிய MS டோனி தயாரிக்கும் முதல் திரை படம் LGM எல்ஜிஎம் எனப்படும் ‘லெட்ஸ் கெட் மேரிட்’ .

கிரிக்கெட்டைத் தாண்டி பல்வேறு துறைகளில் கவனம் செலுத்தி வருகிறார் தோனி. அப்படி அவர் திரைத் துறையிலும் படங்களை தயாரிக்க முன்வந்துள்ளார். தோனி மற்றும் அவரது மனைவி சாக்‌ஷியின் தயாரிப்பு நிறுவனமான தோனி என்டெர்டெயின்மென்ட் நிறுவனம், தமிழில் ஹரிஷ் கல்யாண் மற்றும் இவானா ஆகியோர் முதன்மைக் கதாபாத்திரங்களில் நடிக்கும் ‘எல்ஜிஎம்’ எனப்படும் ‘லெட்ஸ் கெட் மேரிட்’ என்ற படத்தை தயாரித்துள்ளது.

இந்த நிலையில் ’எல்ஜிஎம்’ படத்தில் தல தோனி சிறப்பு தோற்றத்தில் நடித்துள்ளதாக தகவல் வெளியாகி உள்ளது. இதனை அடுத்து தல தோனி ரசிகர்களுக்கு மிகப்பெரிய விருந்து காத்திருக்கிறது என்பது மிக குறிப்பிடத்தக்கது. தல தோனி எந்த கேரக்டரில் நடித்திருக்கிறார் என தகவல் பரவி வருகிறது.