சூப்பர் ஸ்டாரின் “ஜெயிலர்“ இசை வெளியீட்டு விழா எப்போது தெரியுமா?

ரஜினியின் ‘ஜெயிலர்’ பட இசை வெளியீட்டு விழா வரும் ஜூலை 28-ம் தேதி சென்னையில் நடைபெறும் என அறிவிக்கப்பட்டுள்ளது.

நெல்சன் திலீப்குமார் இயக்கத்தில் ரஜினி நடிக்கும் படம் ‘ஜெயிலர்’. தமன்னா, ரம்யாகிருஷ்ணன், சிவராஜ்குமார், மோகன்லால், சுனில், ஜாக்கி ஷெராஃப் உள்ளிட்ட பலர் நடிக்கும் இப்படத்துக்கு அனிருத் இசையமைக்கிறார்.

வில்லனாக நடித்து வரும் கன்னட சூப்பர் ஸ்டாரான ஷிவ ராஜ்குமார், சிறப்பு கதாபாத்திரத்தில் நடிக்கவுள்ள மலையாள சூப்பர் ஸ்டார் மோகன் லால் ஆகியோர் இடம்பெற்ற டீசரை சன் பிக்சர்ஸ் நிறுவனம் சில நாட்களுக்கு முன்பு வெளியிட்டிருந்தது.

ஜெயிலர் படத்தின் காவாலா பாடல் வெளியிடப்பட்டு ரசிகர்களால் கொண்டாடப்பட்டு வருகிறது..இந்த பாடல் இணையத்திலும் வைரலாகி பட்டி தொட்டி எங்கும் பட்டையை கிளப்பி வருகிறது.

பான் இந்தியா முறையில் உருவாகும் இப்படத்தை சன் பிக்சர்ஸ் நிறுவனம் தயாரித்துள்ளது. படப்பிடிப்பு அண்மையில் நிறைவடைந்தது. வரும் ஆகஸ்ட் 10-ம் தேதி படம் திரையரங்குகளில் வெளியாக உள்ளது.

இந்நிலையில் படத்தின் இசை வெளியீட்டு விழா சென்னை நேரு உள்விளையாட்டு அரங்கில் ஜூலை 28-ம் தேதி நடைபெறும் என அறிவிக்கப்பட்டுள்ளது. இந்த இசை வெளியீட்டு விழாவில் ரஜினி, மோகன்லால், சிவராஜ்குமார், ஜாக்கிஷெராஃப், சுனில் உள்ளிட்ட ஸ்டார்களுடன் படக்குழுவினர் கலந்துகொள்ள உள்ளதாக தெரிவிக்கப்பட்டுள்ளது.