தஞ்சாவூர் பெரியகோயிலில் குடமுழுக்கு விழாவையொட்டி அஸ்திர மகா யாகம் தொடக்கம்….

தஞ்சாவூர்: தஞ்சாவூர் பெரியகோயிலில் குடமுழுக்கு விழாவையொட்டி அஸ்திர மகா யாகம் இன்று தொடங்கியது. 

  இக்கோயிலில் பிப். 5 ஆம் தேதி குடமுழுக்கு விழா நடைபெறவுள்ளது. இதற்கான யாகசாலை பூஜைகள் ஜன. 31 ஆம் தேதி தொடங்குகிறது. இந்நிலையில் குடமுழுக்கு விழா சிறப்பாக நடைபெற வேண்டி தஞ்சையில் உள்ள எட்டு திசைகளிலும் உள்ள அம்மன் கோயில்களில் சிறப்பு யாகம் நடைபெற்றது. 
 
  இதைத் தொடர்ந்து தஞ்சை பெரிய கோயிலில் உள்ள நடராஜர் சன்னதி முன், அஸ்திர மகா யாகம் இன்று காலை தொடங்கியது. இந்த யாகம் தொடர்ந்து இரு நாட்களுக்கு நடைபெறவுள்ளது. 

இதில் சுமார் 50 சிவாச்சாரியர்கள் பங்கேற்றுள்ளனர்.