சோனியா அகர்வாலின் ‘7/ஜி டார்க் ஸ்டோரி’ டிரெய்லர் வெளியானது..!

நடிகை சோனியா அகர்வால்,  ஸ்மிருதி வெங்கட் நடிப்பில் உருவாகியுள்ள 7/ஜி டார்க் ஸ்டோரி படத்தின் டிரெய்லர் வெளியானது.

செல்வராகவன் இயக்கத்தில் 7ஜி ரெயின்போ காலனி திரைப்படத்தின் மூலம் தமிழ் திரையுலகில் அறிமுகமானவர் நடிகை சோனியா அகர்வால்.  காதல் கொண்டேன்,  கோயில்,  7 ஜி ரெயின்போ காலனி,  புதுப்பேட்டை,  வானம் போன்ற படங்களில் நடித்திருக்கிறார்.  ஒரு சில படங்களில் மட்டுமே நடித்திருந்தாலும்,  நடித்த படங்கள் பெரும்பாலும் சூப்பர் ஹிட் கொடுத்தது.  குறிப்பாக 7ஜி ரெயின்போ காலனியில் அவரின் நடிப்பு இன்றும் அனைவராலும் ரசிக்கப்படுகிறது.

இடையில் சினிமாத்துரையில் இருந்து விலகிய சோனியா தற்போது  சில படங்களிலும், சின்னத்திரையிலும் நடித்து வருகிறார்.  இந்நிலையில் ஹருண் இயக்கத்தில் 7/ஜி டார்க் ஸ்டோரி என்ற திரைப்படத்தில் சோனியா அகர்வால் நடித்துள்ளார்.  டிரீம் ஹவுஸ் தயாரிப்பில் உருவாகியுள்ள இந்த படத்தில் ஸ்மிருதி வெங்கட்டும் நடித்துள்ளார்.

ஹாரர் திரில்லர் பாணியில் உருவாகியுள்ள இப்படத்தின் டீசர் வெளியாகி ரசிகர்களின் கவனத்தை ஈர்த்தது.  இந்நிலையில் இந்த படத்தின் டிரைலர் வெளியாகியுள்ளது.