இந்திய பொருளாதாரம் டாப்ல போகுதாம்

இந்திய பொருளாதாரம் டாப்ல போகுதாம் 

கடந்த சில ஆண்டுகளாகவே இந்தியப் பொருளாதாரம் பல்வேறு சறுக்கல்களைச் சந்தித்து வருகிறது. 2016ஆம் ஆண்டில் பணமதிப்பழிப்பு, 2017ஆம் ஆண்டில் ஜிஎஸ்டி போன்ற அரசின் சீர்திருத்த நடவடிக்கைகள் பொருளாதார வளர்ச்சியை மேலும் சீர்குலைத்தன.

2018-19 நிதியாண்டில் இந்தியப் பொருளாதார வளர்ச்சி 6.9 சதவீதமாக இருந்த நிலையில், நடப்பு 2019-20ஆம் ஆண்டுக்கான இந்தியப் பொருளாதார வளர்ச்சி வெறும் 6.1 சதவீதமாக மட்டுமே இருக்கும் என்று சர்வதேச நாணய நிதியம் தெரிவித்திருந்தது. உலக வங்கியின் ஆய்வறிக்கையிலும் இந்தியப் பொருளாதார வளர்ச்சி 6 சதவீதமாக இருக்கும் என்று மதிப்பிடப்பட்டிருந்தது.

நாட்டின் வளர்ச்சி குறித்த இந்த ஆய்வறிக்கைகள் அரசுக்கு சிக்கலை ஏற்படுத்தியது. அதுமட்டுமல்லாமல் நோபல் பரிசு வென்றுள்ள அபிஜித் பானர்ஜி உள்ளிட்ட பொருளாதார நிபுணர்களும் பொருளாதார வளர்ச்சி நிலை குறித்து கவலை தெரிவித்திருந்தனர்.

இந்நிலையில் அரசுக்கு மகிழ்ச்சியூட்டும் செய்தியாக சர்வதேச நாணய நிதியத்தின் அறிக்கை ஒன்று வெளியாகியுள்ளது. அதில், வருகிற 2020-21 நிதியாண்டில் இந்தியப் பொருளாதார வளர்ச்சி 7 சதவீதமாக இருக்கும் என்று தெரிவிக்கப்பட்டுள்ளது.

முதலீடு செய்ய இந்தியாவை விடச் சிறந்த நாடு இல்லை: அமைச்சர் நிர்மலா

நாணயக் கொள்கை, கார்பரேட் வரிக் குறைப்பு போன்ற அரசின் நடவடிக்கைகளால் மேற்கூறிய பொருளாதார வளர்ச்சி சாத்தியம்தான் என சர்வதேச நாணய நிதியத்தின் ஆசிய பசிபிக் பிரிவு துணை இயக்குநரான ஜொனாதன் ஆஸ்ட்ரை தெரிவித்துள்ளார்.

சேவைகள் துறையில் இந்தியா சிறப்பாகச் செயல்பட்டு வருவதாகவும், கடந்த பத்து ஆண்டுகளில் இந்தியா தனது சேவைகள் ஏற்றுமதியில் மும்மடங்கு வளர்ச்சியுடன் 17.8 சதவீதம் ஏற்றம் கண்டுள்ளதாகவும் சர்வதேச நாணய நிதியம் தெரிவித்துள்ளது.