இந்தியன்-2 இன்ட்ரோவை இன்று வெளியிடுகிறார் சூப்பர்ஸ்டார் ரஜினிகாந்த்..!

கமல்ஹாசன் – இயக்குநர் ஷங்கர் கூட்டணியில் உருவாகியுள்ள திரைப்படம் இந்தியன் 2. லைகா தயாரிப்பில் பிரம்மாண்டமாக உருவாகியுள்ள இந்தப் படம், இரு பாகங்களாக வெளியாகும் என சொல்லப்படுகிறது.

இந்நிலையில், இந்தியன் 2 படத்தின் இன்ட்ரோ க்ளிம்ஸ் இன்று மாலை வெளியாகிறது.

 இயக்குநர் ஷங்கர் உடன் கமல்ஹாசன் இரண்டாம் முறையாக இணைந்த திரைப்படம் ‘இந்தியன் 2’.  1996ஆம் ஆண்டு வெளியான இப்படத்தின் முதல் பாகம் பாக்ஸ் ஆஃபிஸில் சக்கை போடு போட்டதுடன்,  வசூலையும் குவித்து தமிழ் சினிமாவின் பிரபல கமர்ஷியல் படமாக உருவெடுத்தது.  கமல்ஹாசன் இப்படத்துக்காக தேசிய விருது வென்றார்.

இந்நிலையில் இப்படத்தின் இரண்டாம் பாக பணிகள் கடந்த சில ஆண்டுகளாக தொடர்ந்து நடைபெற்று வரும் நிலையில் முதல் பாகத்தை விட இன்னும் பிரம்மாண்டமாகவும் பெரும் நட்சத்திரப் பட்டாளத்துடனும் படம் வெளியாக உள்ளது.

இப்படத்தின் ஷூட்டிங் இறுதிக்கட்டத்தை நெருங்கியுள்ள நிலையில்,  படக்குழு முழு வீச்சில் பணியாற்றி வருகிறது.  அந்த வகையில் இந்தியன் 2 படத்தின் இண்ட்ரோ வீடியோ இன்று வெளியாகும் என படக்குழு அதிகாரப்பூர்வமாக அறிவித்துள்ளது.  இந்த வீடியோவை இந்திய சினிமாவின் மற்றொரு உச்ச நட்சத்திரமும் கமல்ஹாசனின் நெருங்கிய நண்பருமான ரஜினிகாந்த் வெளியிடுவார் என்றும் தெரிவிக்கப்பட்டுள்ளது.

இந்தியன் 2 இன்ட்ரோ டீசரை தமிழில் சூப்பர் ஸ்டார் ரஜினி வெளியிடுகிறார். ரஜினியின் 90ஸ் போட்டோவுடன் இந்த அப்டேட்டை படக்குழு வெளியிட்டது. அதேபோல், மலையாளம், தெலுங்கு, கன்னடம், இந்தி மொழிகளில் இந்தியன் 2 இன்ட்ரோ டீசர் ரிலீஸ் பற்றியும் படக்குழு அறிவித்துள்ளது. அதன்படி, இதற்காக பான் இந்தியா ஸ்டார்ஸ் கமலுக்காக இணைந்துள்ளனர். மலையாளத்தில் மோகன்லாலும், தெலுங்கில் இயக்குநர் ராஜமெளலியும் இந்தியன் 2 இன்ட்ரோவை வெளியிடுகின்றனர். அதேபோல், இந்தியில் பாலிவுட் சூப்பர் ஸ்டார் அமீர்கான், கன்னடத்தில் கிச்சா சுதீப் ஆகியோர் வெளியிடவுள்ளனர். இந்த அறிவிப்பிலும் இவர்களது இளம் வயது போட்டோகளை படக்குழு வெளியிட்டுள்ளது. ரஜினி, மோகன்லால், ராஜமெளலி, அமீர்கான், கிச்சா சுதீப் ஆகியோர் 90களின் ரெட்ரோ லுக்கில் மாஸ் காட்டியுள்ளனர்.

இதன்மூலம் இன்று வெளியாகும் இந்தியன் 2 இன்ட்ரோ டீசர், கமலின் பிளாஷ்பேக் கேரக்டர் வீடியோவாக இருக்கும் என எதிர்பார்க்கப்படுகிறது. இந்தியன் படத்தில் சேனாபதி என்ற இந்தியன் தாத்தாவாக மெர்சல் காட்டியிருந்தார் கமல். இந்தியன் 2 படத்தின் முதல் அப்டேட்டாக சேனாபதி கேரக்டர் அறிமுகம் இருக்கும் என ரசிகர்கள் எதிர்பார்த்துள்ளனர்.