ரோஹினி தியேட்டரில் லியோ படம் ஓடாது.. நிர்வாகம் அதிரடி…

தளபதி விஜயின் லியோ படம் நாளை வெளியாகிறது. தமிழ்நாடு மட்டுமில்லாமல், உலகளவில் இந்த படத்தை முதல் நாள் முதல் காட்சியில் பார்க்கவேண்டும் என ரசிகர்கள் ஆர்வம் காட்டிவருகிறார்கள். தியேட்டர்கள் நல்ல வருமானத்தை பார்க்கலாம் என எதிர்பார்க்கும் இந்த வேளையில் லியோ படத்தை திரையிடப்போவதில்லை என அதிரடி அறிவிப்பை வெளியிட்டிருக்கிறது பிரபல ரோஹினி சில்வர் ஸ்க்ரீன்ஸ்.

இயக்குனர் லோகேஷ் கனகராஜ் இயக்கத்தில் தளபதி விஜய், த்ரிஷா, அர்ஜுன், சஞ்சய் தட் போன்ற பலர் நடித்திருக்கும் படம்தான் லியோ. இந்த படத்திற்கு இசையமைப்பாளர் அனிருத் இசையமைகிறார். இந்த படத்தை செவன் ஸ்க்ரீன் ஸ்டுடியோஸ் நிறுவனம் தயாரிக்கிறது.

தமிழகம் மட்டுமல்லாது இந்தியா மற்றும் உலகளவில் இந்த படத்திற்கு மாபெரும் எதிர்பார்ப்பு நிலவி வருகிறது. உலகளவில் நாளை (அக் 19) லியோ படம் வெளியாகவிருக்கிறது. லியோ படத்தின் சிறப்பு காட்சிகளுக்கான அனுமதி பிற மாநிலங்களில் கிடைத்திருந்தாலும் தமிழ் நாட்டில் சிறப்பு காட்சிக்கான அனுமதி கிடைக்கப்பெறவில்லை. எனினும், மற்ற அனைத்து ஷோக்கான டிக்கெட்டுகள் விற்பனை சூடுபிடித்து வருகிறது.

லியோ படத்தின் ஒவ்வொரு அறிவிப்பையும் திருவிழாபோல கொண்டாடினார்கள் ரசிகர்கள். முன்னதாக, லியோ படத்தின் ஆடியோ லான்ச் நிகழ்ச்சி ரத்தானதால், மிகுந்த வேதனைக்கு உள்ளனார்கள் விஜய் ரசிகர்கள். எனினும், ட்ரைலர் வெளியீடு அவர்களுக்கு ஆனந்தத்தை கொடுத்தது. சென்னை கோயம்பேட்டில் உள்ள புகழ் பெற்ற திரையரங்கமான ரோஹினி சில்வர் ஸ்க்ரீன்ஸ் திரையரங்கத்தில் லியோ படத்தின் ட்ரைலர் வெளியானது. இந்த திரையரங்கம் ரசிகர்களின் கோட்டை என்றே அழைக்கப்படுகிறது. பிரதான சாலையிலேயே இந்த திரையரங்கம் இருப்பதால் போலீஸ் பார்வை அதிகமாவே இருக்கும்.

அந்த வகையில், லியோ படத்தின் ட்ரைலர் வெளியானபோது திரளான ரசிகர்கள் தியேட்டருக்கு வருகை தந்தனர். கொண்டாட்டத்தின் உச்சமாக தியேட்டரின் இருக்கைகள் அனைத்தையும் உடைத்து வன்முறையில் ஈடுபட்டார்கள் ரசிகர்கள். இதனால் ரோஹினி திரையரங்கிற்கு மிகுந்த நஷ்டம் ஏற்பட்டு இருக்கிறது. இதனை அறிந்த விஜய், அவர்களுக்கு போன் செய்து மன்னிப்பு கேட்டிருக்கிறார்.

இன்னும் பழுதடைந்த இருக்கைகள் சரிசெய்யப்படாததால் அதற்கான பழுது வேலைகள் நடந்துவருகிறதாம். எனவே, லியோ படத்தை திரையிடப்போவதில்லை என அறிவித்திருக்கிறார்கள். இந்த அறிவிப்பை பலகையில் எழுதி தியேட்டரின் முன் வைத்திருக்கிறார்கள். ரசிகர்களின் கோட்டையிலேயே லியோ இல்லையா என ஏமாற்றமடைந்துள்ளார்கள் ரசிகர்கள். ட்ரைலரை ஒழுங்காக பார்த்து திரும்பியிருந்தால் ரோஹினி சில்வர் ஸ்க்ரீன்ஸ் தியேட்டர் லியோ படத்தை திரையிட்டிருக்கும் என்கிறார்கள் தளபதியின் சைலன்ட் ரசிகர்கள்..