அமர்க்களமான TMS நூற்றாண்டு விழா!

அமர்க்களமான TMS நூற்றாண்டு விழா!

மழையும் தூவானமுமாய் TMS ன் நூற்றாண்டு தொடர்ந்து கொண்டாடப்படுவது மகிழ்ச்சியளிக்கிறது.

அதில் சமீபத்திய – சங்கரதாஸ் சுவாமிகள் நினைவு மன்றத்தின் TMS 100 விழா-அற்புதம். TKS கலவாணனின் அமர்க்கள ஏற்பாடு!

விருந்தினர் மற்றும் விழா நிகழ்வுகள் அத்தனையும் – அழைப்பிதழ் படி அப்படியப்படியே நடத்தினதில் நெகிழ்ச்சி.( விழா விபரத்துக்கு அழைப்பிழல் இணைப்பு)

மேடையில் பேனர் , கட்டினதில் ஆரம்பித்து…அனைத்திலும் கலைவாணனின் பங்களிப்பு இருந்தது.

****தளர்ச்சியில்லா – VG. சந்தோஷத்தின் பேச்சு ! பாடல் ! விஜய கிருஷ்ணனின் செம்மொழித் தொகுப்பு !

***வருவாரோ மாட்டாரோ – என்கிற பதைப்பிற்கிடையில் ஜெக ஜோராய் வந்த தமிழச்சி தங்கப்பாண்டியன் MP யைச் சுற்றி ஒரு ஒளிவட்டம் ! சொல்லின் செல்வியாக செருக்கில்லாத அணுகுமுறையிலும் – பேச்சிலும் அசத்தினார்.

***TMS நூற்றாண்டை ஒட்டின பல நிகழ்வுகளை கண்டிருக்கிறேன்.

பலரும் பல காலமாய் தொடர்ந்து பாடி வந்தாலும் கூட மேடயில் எழுதி வைத்து , பார்த்து படித்து கச்சேரி செய்பவர்களே அதிகம்.

ஆனால் TKS கலைவாணன் இதில் விதிவிலக்கு. TMS சின் நினைவலைகளை அவர் விளம்பின பாங்கு.அறுசுவை!

தன் சொற்பொழிவிற்கிடையே ‘ பிட் ‘ பேப்பரின்றி ‘ விட் ‘ அடித்து – TMS ன் அருமை பெருமைகளுடன் அவரது பாடல்களையும் அதே லாவகத்துடன் பாடி சிலிர்க்க வைத்தார்.

மற்ற எந்தப் பாடகர்களின் குரலிலும் பாட பலர் உண்டு. ஆனால் TMS ஐ பிசிறாமல் ஒலிப்பது என்பது கடினம்.

ஆனால் TKS ன் குரல் ஒலிப்பும்- லாவகமும் அசத்தல்!

வாஸ்த்தவத்தில் —

அழைப்பின் மரியாதைக்கு சும்மா செத்த நாழி இருந்துட்டு கிளம்பலாம் என்று தான் சென்றிருந்தேன். ஆனால்–

ஜன கண மன நிறைவு வரை அமர வைத்து விட்டார் TKS கலைவாணன்!

–– என்.சி.மோகன்தாஸ்

பட மிக்ஸ் : ஹரிலக்ஷ்மன்