முதலிடத்தில் ” மாமன்னன்” …. ஒடிடியிலும் வரவேற்பு !

நெட்பிளிக்ஸ் ஒடிடியில் முதலிடத்தை பிடித்திருக்கிறது உதயநிதி ஸ்டாலின் நடித்து சமீபத்தில் வெளியாகிய திரைப்படம்.

தமிழ் சினிமா உலகில் மிக பிரபலமான இயக்குனராக திகழ்பவர் மாரி செல்வராஜ். இவர் இயக்கத்தில் வெளிவந்த படங்கள் எல்லாம் மக்கள் மத்தியில் நல்ல வரவேற்பை பெற்று அந்த வகையில் சமீபத்தில் மாரி செல்வராஜ் இயக்கத்தில் வெளிவந்த திரைப்படம் மாமன்னன். இது திரையரங்கில் வெளியாகி நல்ல விமர்சனத்தை பெற்று தந்து உள்ளது.

இந்த திரைப்படத்தில் கதாநாயகனாக உதயநிதி ஸ்டாலின் நடித்திருந்தார். அவருக்கு ஜோடியாக கீர்த்தி சுரேஷ் நடித்திருந்தார். இவர்களோடு முதன்மை கதாப்பாத்திரத்தில் வைகை புயல் வடிவேலு , வில்லனாக பகத் பாசில், லால் போன்ற பல முன்னணி நடிகர்களும் இந்த படத்தில் நடித்து இருந்தனர்.

தமிழ் நாட்டின் சமூக நீதி குறித்த நீண்ட கால மற்றும் சமகால அரசியல் களத்தை சூடு பறக்கும் பல சம்பவங்களோடு தரமான படமாக தந்திருக்கிறார் மாரி செல்வராஜ். அரசியல் வாதியாக வாழ்ந்திருக்கிறார் வடிவேலு.

திரையரங்கில் வசூலில் கலக்கிய மாமன்னன் தற்போது வெளியாகியுள்ள நெட்பிளிக்ஸ் ஒடிடியிலும் பெரும் வரவேற்பினை பெற்றுள்ளது. இன்று நெட்பிளிக்ஸ் ஒடிடியில் மாமன்னன் திரைப்படம் முதலிடத்தை பிடித்துள்ளது