இந்திய மொழிகளில் தயாரிக்கப்பட்டு, ஓ.டி.டி.யில் வெளியான இணையத் தொடர்களுக்கு விருது வழங்கப்படும் என்று மத்திய தகவல் மற்றும் ஒலிபரப்புத்துறை அமைச்சர் அனுராக் தாகூர் தெரிவித்துள்ளார்.
கோவாவில் 54 ஆவது இந்திய சர்வதேச திரைப்பட விருது வழங்கும் விழா நடைபெற உள்ளது. இந்நிலையில் சர்வதேச திரைப்பட விழாவில் வெப் சீரிஸ் எனப்படும் இணையத் தொடர்களுக்கு விருது வழங்கப்படும் என்று மத்திய அரசு சார்பில் அறிவிக்க பட்டுள்ளது.
இது தொடர்பாக வீடியோ ஒன்றை வெளியிட்டுள்ளது மத்திய அமைச்சகம். அதில் ஓ.டி.டி. தளங்களை மேம்படுத்தவும், திறமைகளை ஊக்குவிக்கவும் மத்திய அரசின் சார்பாக இந்த திட்டம் தொடங்கப்பட்டுள்ளதாக தெரிவித்துள்ளது.
கோவாவில் நவம்பர் 20 முதல் இந்திய சர்வதேச திரைப்பட விருது வழங்கும் விழா நடைபெற உள்ளது. இந்திய சர்வதேச திரைப்பட விருதுக்கான படங்களை சமர்ப்பிப்பதற்கு ஆகஸ்ட் 10 ஆம் தேதி கடைசி நாளாகும். ஆர்வமுள்ளவர்கள் இதில் கலந்துகொண்டு விருது பெற முயற்சிக்கலாம்.
