சுருட்டு பிடிக்கும் “பிக்பாஸ் “ நடிகை…!!!! – தனுஜா ஜெயராமன்.

வாயில் சுருட்டுடன் ஸ்டைலாக அமர்ந்துள்ள பிக்பாஸ் புகழ் நடிகையான வனிதா விஜயகுமாரின் புகைப்படம் சமூக வளைதளங்களில் பரவி வருகிறது.

ஆர்.வி.ஆர் ஸ்டுடியோஸ் தயாரிப்பில், இயக்குநர் நவீன் இயக்கத்தில் உருவாகி வரும் திரைப்படம் ‘கடைசி தோட்டா’.

இந்தப் படத்தில் நடிகை வனிதா விஜயகுமார் முதன்மைக் கதாபாத்திரத்தில் அதிரடியான காவல்துறை அதிகாரியாக நடிக்கிறார். ராதாரவி, ஸ்ரீகுமார், வையாபுரி உள்ளிட்ட பல நட்சத்திரங்கள் இப்படத்தில் நடித்து வருகிறார்கள்.

மர்டர் மிஸ்டரி ஜானர் திரைப்படமாக உருவாகும் இப்படத்தில், அதிரடியான காவல்துறை அதிகாரியாக நடிகை வனிதா விஜயகுமார் நடிக்கிறார். வாயில் சுருட்டு பிடித்தபடி இருக்கும் வனிதாவின் புகைப்படம் வைரலாகி வருகிறது.

ஏற்கனவே விஐய் பட போஸ்டர்கள் சர்ச்சையினை கிளப்ப வரும் நிலையில் வனிதாவுமா? என்கிறார்கள் நெட்டிசன்கள். வனிதாவும் சர்ச்சைகளும் கோலிவுட் வட்டாரத்திற்கு புதிதா என்ன?