சென்னை: தமிழக அமைச்சரவைக் கூட்டம் முதல்வர் மு.க.ஸ்டாலின் தலைமையில் பிப்.23-ம் தேதி நடைபெறுகிறது.
சட்டப்பேரவை பொதுத்தேர்தல் அடுத்த மாதம் அறிவிக்கப்படும் என எதிர்பார்க்கப்படுகிறது. இந்நிலையில் பிப்.17-ம் தேதி இடைக்கால நிதிநிலை அறிக்கை தாக்கல் செய்யப்படுகிறது. இதையொட்டி 4 நாட்கள் சட்டப்பேரவைக் கூட்டம் நடைபெறும் என்று கூறப்படுகிறது.
இந்நிலையில், தமிழக அமைச்சரவைக் கூட்டம் முதல்வர் தலைமையில் பிப்.23-ம் தேதி மாலை 6 மணிக்கு கூடுகிறது. ஏற்கெனவே, பிப்.5-ம் தேதி அமைச்சரவைக் கூட்டம் நடைபெற்றது.
இதில், நிதிநிலை அறிக்கைக்கான ஒப்புதல் மற்றும் 15 புதிய தொழில் முதலீடுகளுக்கான ஒப்புதல் வழங்கப்பட்டது. 23-ம் தேதி நடைபெறும்அமைச்சரவைக் கூட்டத்தில்மேலும் பலதொழில் முதலீடுகளுக்கான ஒப்புதல் வழங்கப்பட உள்ளதாகக் கூறப்படுகிறது. அத்துடன், சட்டப்பேரவைத் தேர்தலையொட்டி சில முக்கிய அறிவிப்புகளுக்கான ஒப்புதலும்கொடுக்கப்பட வாய்ப்புள்ளதாக, தலைமைச்செயலக வட்டாரங்கள் தெரிவித்தன.
