ரஞ்சி கோப்பை கடைசி லீக் இன்று தொடக்கம்..!

டெல்லி அணிக்காக நட்சத்திர வீரர் விராட்கோலி 12 ஆண்டுகளுக்கு பிறகு களம் இறங்குகிறார்.

ரஞ்சி கிரிக்கெட் தொடரில் கடைசி சுற்று லீக் ஆட்டங்கள் இன்று தொடங்குகிறது. இதன் ஒரு ஆட்டத்தில் தமிழ்நாடு-ஜார்கண்ட் அணிகள் மோதுகின்றன. டெல்லி அணிக்காக நட்சத்திர வீரர் விராட்கோலி 12 ஆண்டுகளுக்கு பிறகு களம் இறங்குகிறார்.

வதோதராவில் நடைபெறும் ‘ஏ’ பிரிவு ஆட்டம் ஒன்றில் பரோடா-ஜம்மு காஷ்மீர் அணிகள் மோதுகின்றன. இதே பிரிவில் மும்பையில் அரங்கேறும் மற்றொரு முக்கிய ஆட்டத்தில் மும்பை-மேகாலயா அணிகள் சந்திக்கின்றன. ‘பி’ பிரிவில் ஆமதாபாத்தில் நடைபெறும் ஆட்டத்தில் குஜராத்- இமாசலபிரதேசம் அணிகள் சந்திக்கின்றன.

டெல்லியில் நடைபெறும் மற்றொரு ஆட்டத்தில் டெல்லி-ரெயில்வே அணிகள் மோதுகின்றன. விராட் கோலி கடைசியாக 2012-ம் ஆண்டு உத்திரபிரதேசத்துக்கு எதிராக ரஞ்சி போட்டியில் விளையாடி இருந்தார். அதன் பிறகு தற்போதுதான் களமிறங்க உள்ளார் என்பது குறிப்பிடத்தக்கது. விராட் கோலி கால்பதிப்பது அந்த அணியின் பலத்தை அதிகரித்து இருப்பதுடன் அனைவரது கவனத்தையும் ஈர்த்துள்ளது.