2 ரூபாய்க்காக நடந்த சண்டை..சைக்கிளில் காற்றடைத்ததில் ஒரு கொலை
- அண்மை செய்திகள்
admin
- 0
- 1 minute read
ஆந்திர மாநிலம் கிழக்கு கோதாவரி மாவட்டம் காக்கிநாடா பகுதியில் உள்ள வலசபகலா என்ற கிராமத்தில்தான் இந்த சம்பவம் நடந்துள்ளது. சுவர்னராஜு என்ற 24 வயது கட்டட தொழிலாளி, தனதுசைக்கிளுக்கு ஏர் அடைத்ததும் கூலியாக ரூ.2 தர மறுத்திருக்கிறார். இதனால், கடை உரிமையாளர் சம்பாவுக்கும் அவருக்கும் இடையில் வாக்குவாதம் முற்றி கைகலப்பாக மாறிய சுவர்னராஜு, சம்பாவை தாக்கி திட்டியுள்ளார்.
சம்பாவின் நண்பரான அப்பாராவ் அப்போது, அங்கிருந்த இரும்பு கம்பியால் சுவர்னராஜு தலையில் ஆவேசமாக தாக்கியதும், ரத்த வெள்ளத்தில் சுவர்னராஜு அங்கேயே சரிந்து விழுந்தார். பதறிப்போய்
அங்கிருந்தவர்கள் அவரை மருத்துவமனைக்கு கொண்டு சென்றுள்ளனர். ஆனால், சிகிச்சை பலனின்றி சுவர்னராஜு உயிரிழந்தார். போலீசார், சம்பா மற்றும் அப்பா ராவ் மீது வழக்குப்பதிவு செய்த நிலையில், அப்பா ராவ் தலைமறைவாகியுள்ளார்.
