வரலாறு என்பது இறந்த காலத்தில் நிகழ்ந்த விஷயத்தை பற்றி நாம் தெரிந்து கொள்ளும் ஒன்றாகும். குறிப்பாக வரலாற்றில் ஒருவர் செய்த சாதனைகள், தியாகங்கள், சிறப்புகள் இதுபோன்ற பலவகையான முக்கிய விஷயங்கள் பற்றி அனைவருக்கும் தெரியப்படுத்தும் விஷயமாகும். தெளிவாக சொல்ல வேண்டும் என்றால் தங்கள் வாழும் காலத்தின் பின்னணியில் கடந்த காலத்தின் நிகழ்வுகளை விளக்கி வரலாறாக எழுதுகின்றனர். சரி இந்த பதிவில் நாம் நமது வாழ்வில் கடந்து செல்லும் ஒவ்வொரு நாட்களிலும் ஏதாவது ஒரு விஷயம் நிகழ்ந்திருக்கலாம் அந்த வகையில் வரலாற்றில் இன்று என்ன நாள்? என்பதை பற்றி நாம் நமது மின்கைத்தடியின் இந்த தொகுப்பில் படித்து தெரிந்து கொள்வோம் வாங்க..
வரலாற்றில் இன்று | Today History in Tamil
நவம்பர் 24 கிரிகோரியன் ஆண்டின் 328 ஆம் நாளாகும். நெட்டாண்டுகளில் 329 ஆம் நாள். ஆண்டு முடிவிற்கு மேலும் 37 நாட்கள் உள்ளன.
நிகழ்வுகள்
1639 – ஜெரிமையா ஹொரொக்ஸ் என்பவர் முதன் முதலாக வெள்ளிக் கோள் சூரியனுக்கும் பூமிக்கும் இடையில் செல்வதை அவதானித்தார்.
1642 – ஏபல் டாஸ்மான் வான் டீமனின் நிலம் என்ற தீவைக் கண்டுபிடித்தார். இது பின்னர் தாஸ்மானியா எனப் பெயர் பெற்றது.
1859 – சார்ல்ஸ் டார்வின் உயிரங்களின் தோற்றம் நூலை வெளியிட்டார். இதன் பிரதிகள் அனைத்தும் முதல் நாளிலேயே முழுவதுமாக விற்பனையாகின.
1914 – முசோலினி இத்தாலிய சோசலிசக் கட்சியில் இருந்து விலக்கப்பட்டார்.
1917 – விஸ்கொன்சின் மாநிலத் தலைநகர் மில்வாக்கியில் காவல்துறை தலைமையகத்தில் இடம்பெற்ற குண்டு வெடிப்பில் 10 பேர் கொல்லப்பட்டனர்.
1922 – துப்பாக்கி ஒன்றை சட்டவிரோதமாக வைத்திருந்ததாகக் குற்றஞ்சாட்டப்பட்டு ஐரியக் குடியரசு இராணுவத்தைச் சேர்ந்த எழுத்தாளர் ரொபேர்ட் ஏர்ஸ்கின் சைல்டேர்ஸ் சுட்டுக் கொல்லப்பட்டார்.
1926 – பாண்டிச்சேரியில் உள்ள ஸ்ரீ அரவிந்தர் ஆசிரமத்தின் பொறுப்பை அன்னையிடம் ஒப்படைத்து விட்டு அரவிந்தர் இளைப்பாறினார்.
1940 – இரண்டாம் உலகப் போர்: சிலோவாக்கியா அச்சு அணி நாடுகள் அமைப்பில் இணைந்தது.
1943 – இரண்டாம் உலகப் போர்: ஐக்கிய அமெரிக்கக் கடற்படைக் கப்பல் டராவா என்ற இடத்தில் மூழ்கடிக்கப்பட்டதில் 650 பேர் கொல்லப்பட்டனர்.
1944 – இரண்டாம் உலகப் போர்: டோக்கியோ நகர் மீது முதற்தடவையாக அமெரிக்க விமானங்கள் குண்டுகளைப் போட்டன.
1965 – ஜோசப் மொபுட்டு கொங்கோவின் குடியரசுத் தலைவர் பதவியை இரத்தம் சிந்தாப் புரட்சி மூலம் கைப்பற்றினார். இவர் 1971 இல் கொங்கோவின் பெயரை சாயீர் என மாற்றினார். 30 ஆண்டுகளின் பின் 1997 இல் இவர் பதவியில் இருந்து அகற்றப்பட்டார்.
1966 – சிலோவாக்கியாவில் பல்கேரிய விமானம் ஒன்று வீழ்ந்ததில் 82 பேர் கொல்லப்பட்டனர்.
1969 – சந்திரனுக்குச் சென்ற அப்பல்லோ 12 விண்கலம் 3 விண்வெளி வீரர்களுடன் பசிபிக் கடலில் பாதுகாப்பாக இறங்கியது.
1971 – வாஷிங்டனில் பெரும் சூறாவளி நாளன்று கடத்தப்பட்ட விமானம் ஒன்றிலிருந்து டான் கூப்பர் என்பவன் 200,000 அமெரிக்க டாலர்களுடன் பாரசூட்டுடன் கீழே குதித்தான். இவனோ பணமோ இதுவரையில் கண்டுபிடிக்கப்படவில்லை.
1992 – மக்கள் சீனக் குடியரசில் சீன விமானம் ஒன்று வீழ்ந்ததில் 141 பேர் கொல்லப்பட்டனர்.
1992 – யாழ்ப்பாணம், பலாலி வான்படைத் தளத்தின் கிழக்குப் பகுதி இராணுவ வேலி விடுதலைப் புலிகளால் தகர்க்கப்பட்டது.
2002 – ரவி வர்மாவின் யசோதையும் கிருஷ்ணனும் ஓவியம் டில்லியில் 56 லட்சம் ரூபாய்க்கு ஏலம் போனது.
2006 – சிங்கள நாளிதழான `மௌபிம’ பத்திரிகையின் தமிழ்ப் பத்திரிகையாளரான முனுசாமி பரமேஸ்வரி, பயங்கரவாத இயக்கத்துடன் தொடர்புடையவர் என்ற குற்றச்சாட்டின் பேரில் கைது செய்யப்பட்டார்.
பிறப்புகள்
1632 – பரூக் இசுப்பினோசா, இடச்சு மெய்யியலாளர் (இ. 1677)
1784 – சக்கரி தைலர், அமெரிக்காவின் 12வது அரசுத்தலைவர் (இ. 1850)
1888 – டேல் கார்னெகி, அமெரிக்க எழுத்தாளர் (இ. 1955)
1914 – அபுல் அஸன் அலி அஸனி நத்வி, இந்திய இசுலாமிய அறிஞர் (இ. 1999)
1918 – கிருஷ்ண சைதன்யா, மலையாள இலக்கியவாதி, மதிப்புரைஞர் (இ. 1994)
1924 – தத்தினேனி பிரகாஷ் ராவ், தென்னிந்தியத் திரைப்பட இயக்குநர் (இ. 1992)
1934 – கரோலின் கர்லெசு, அமெரிக்க வானியலாளர் (இ. 1987)
1939 – எஸ். ஏ. ஐ. மத்தியு, இலங்கைத் தமிழ்ப் பன்னூலாசிரியர் (இ. 2016)
1943 – மான்டெக் சிங் அலுவாலியா, இந்தியப் பொருளியலாளர், ஆட்சிப் பணி அதிகாரி
1955 – இயன் போத்தம், ஆங்கிலேயத் துடுப்பாளர்
1961 – அருந்ததி ராய், இந்திய எழுத்தாளர்
1968 – அனுர குமார திசாநாயக்க, இலங்கை அரசியல்வாதி
1969 – ருமேஸ் களுவித்தாரன, இலங்கைத் துடுப்பாளர்
இறப்புகள்
1675 – குரு தேக் பகதூர், இந்திய ஆன்மீகத் துறவி (பி. 1621)
1834 – ஜான் கில்லிஸ், இசுக்கொட்லாந்து தாவரவியலாளர் (பி. 1792)
1891 – லிட்டன் பிரபு, ஆங்கிலேய கவிஞர் (பி. 1831)
1953 – வி. ஆர். இராமச்சந்திர தீட்சிதர், தமிழக இந்தியவியலாளர் (பி. 1896)
1973 – ஏ. எம். ஏ. அசீஸ், இலங்கை கல்வியாளர், அரசியல்வாதி, எழுத்தாளர் (பி. 1911)
1980 – என்றியேட்டா கில் சுவோப், அமெரிக்க வானியலாளர் (பி. 1902)
2002 – ஜான் ரால்ஸ், அமெரிக்க மெய்யியலாளர் (பி. 1921)
2004 – ஆர்தர் ஹெய்லி, ஆங்கிலேய-கனடிய எழுத்தாளர் (பி. 1920)
2005 – தனுஷ்கோடி ராமசாமி, தமிழக எழுத்தாளர் (பி. 1945)
2009 – சமாக் சுந்தரவேஜ், தாய்லாந்தின் 25வது பிரதமர் (பி. 1935)
2011 – அனுருத்த ரத்வத்தை, இலங்கை அரசியல்வாதி, இராணுவ அதிகாரி (பி. 1938)
2014 – முரளி தியோரா, இந்திய அரசியல்வாதி (பி. 1937)
2015 – ஏ. எஸ். பொன்னம்மாள், தமிழக அரசியல்வாதி, சமூக சேவகர்
2018 – அம்பரீசு, கன்னடத் திரைப்பட நடிகர், அரசியல்வாதி (பி. 1952)
சிறப்பு நாள்
படிவளர்ச்சி நாள் (கொண்டாட்ட நாட்கள்)
ஆசிரியர் நாள் (துருக்கி)
