உலகக் காற்று தினம் அனைத்து உயிரினங்களும் உயிர் வாழ காற்று அவசியம். அதிகரிக்கும் தொழிற்சாலைகள், வாகனங்கள், ஏ.சி., பிரிட்ஜ் போன்ற மின் சாதனங்களின் பயன்பாட்டால் காற்று மாசுபடுகிறது. இதனால் ஆண்டுக்கு 70 லட்சம் பேர் உயிரிழக்கின்றனர். 19 ஆம் நூற்றாண்டின் பிற்பகுதியில் உலகம் முழுவதும், தொடங்கப்பட்ட தொழிற்சாலைகள் எண்ணில் அடங்காதவை, அதேப்போல், அந்த தொழிற் சாலைகளால் ஏற்பட்டு இருக்கும் புவி, நீர், காற்று ஆகிய மாசுகள் எண்ணில் அடங்காதவையாக இருந்து வருகிறது. இதில், இந்திய நாடு காற்று மாசில் உலக அளவில் முதல் ஐந்து இடத்தில் உள்ளது என்பது வேதனை அளிக்கிறது. வடக்கில் இருந்து வீசும் காற்றுக்கு வாடை எனவும், தெற்கில் இருந்து வீசும் காற்றுக்கு சோழகம் எனவும், கிழக்கில் இருந்து வீசும் காற்றுக்கு கொண்டல் என்றும், மேற்கில் இருந்து வீசும் காற்றுக்கு கச்சான் எனவும் வீசும் காற்றுக்கும் கூட பெயர் வைத்து கொண்டாடியது நம் தமிழ் சமூகம். காற்றுக்கு சூரியக் காற்று, கோள் காற்று, வன் காற்று, சூறாவளி காற்று என அறிவியல் ரீதியான பெயர்களும் உள்ளன. சூரியனில் இருந்து வெளியேறும் வளிமங்கள் சூரியக் காற்று எனவும், கோள்களில் இருந்து நிறை குறைந்த வளிமத் தனிமங்கள் வெளியேற்றத்தை கோள் காற்று எனவும், குறைந்த நேரத்தில் மிக வேகமாக வீசும் காற்று வன் காற்று எனவும், நீண்ட நேரம் நீடிக்கும் பலமான காற்று சூறாவளி எனவும் அழைக்கப்படுகிறது. இப்பேர்பட்ட காற்றை பாதுகாக்க வலியுறுத்தி ஜூன் 15ல் உலக காற்று தினம் கடைபிடிக்கப் படுகிறது. காற்றானது, தாவரத்தின் விதைகளை சிதறடிப்பதன் மூலம் பல்லுயிர் பெருக்கத்தை மேம்படுத்துவதோடு, பூமியின் வெப்பநிலையை ஒழுங்குபடுத்துவதற்கும் உதவுகிறது. புவி வெப்பமடைதல் பிரச்சினையை உலகம் சந்திக்கும் இந்த வேளையில், காற்றைப் போன்ற புதுப்பிக்கத்தக்க ஆற்றல் வளங்களை உபயோகிப்பது மிகவும் நன்மை பயக்கும். மேலும் காற்று அதிகமாக வீசும் இடத்தில் காற்றாலையை அமைப்பதன் மூலம், அதன் மீது படும் காற்று இறக்கையை சுழல வைத்து, இயந்திர ஆற்றலை மின் ஆற்றலாக மாற்றுகிறது. காற்றாலை மின்சாரமானது, மற்ற மின்உற்பத்தி முறைகளை ஒப்பிடும்போது செலவு குறைவு. கார்பன் வெளியேற்றத்தை குறைத்து சுற்றுச்சூழலையும் பாதுகாக்கிறது. எனவே இந்த நாளில் காற்றை மாசுபடுத்தும் வழிமுறைகளை கண்டறிந்து, மாசுபாட்டை குறைத்து சுற்றுசூழலை பாதுகாப்போம்.
முதியோர்கள் மீதான வன்கொடுமை எதிர்ப்புக்கான சர்வதேச நாள். இந்தியாவைப் பொறுத்தவரை முதியோர் அதிக அளவில் புறக்கணிக்கப்படும் போக்கு நாளுக்கு நாள் அதிகரித்துவருகிறது. இந்தியாவில் ஆந்தை குழுமம் நடத்திய ஆய்வு திடுக்கிடும் பல தகவல்களை அளித்துக் கொண்டே இருக்கிறது. 2023-ம் வருடத்துடன் ஒப்பிடும்போது சென்ற ஆண்டு இந்தியாவில் வாழும் முதியோருக்கு எதிரான கொடுமை 57%-லிருந்து 33% ஆக உயர்ந்துள்ளது. இதில் 68% ஆண்கள், 63% பெண்கள். பெருநகரங்களைப் பொறுத்தவரை அதிகபட்சமான வன்கொடுமை பெங்களூருவிலும் (82%), குறைந்தபட்ச வன்கொடுமை டெல்லியிலும் (27%) பதிவாகியுள்ளன. இதில் புறக்கணிப்பு (49%), அவமதிப்பு (63%), வாய்மொழி வசைமொழிகள் (71%) தவிரவும் உடல்ரீதியாகவும் முதியோர் துன்புறுத்தப்படுகின்றனர். இவர்களில் 77% தங்களைப் பாதுகாத்துக்கொள்ளக் காவல்துறையை அணுக வேண்டும் எனும் விழிப்புணர்வோடுதான் உள்ளனர். இருப்பினும், 16% மட்டுமே புகார் அளிக்க முன்வருகின்றனர். நகரங்களில் வசிக்கும் முதியோர் தங்களைப் பெரிதும் கொடுமைப்படுத்துபவர்கள் மருமகள்கள் (71%) மற்றும் மகன்கள் (69%) எனத் தெரிவித்துள்ளனர். இருப்பினும் குடும்ப கவுரவத்தைப் பாதுகாக்கவே பல நேரங்களில் அத்துமீறல்களை மறைத்துவைப்பதாகவும் தெரிவித்துள்ளனர். முதியோரைப் பாதுகாக்க அவர்களுடைய பொருளாதாரச் சார்பின்மையை அதிகப்படுத்துதல், தலைமுறை இடைவெளியைக் குறைக்கும் வகையில் இளைய தலைமுறையினருக்கு விழிப்புணர்வை ஏற்படுத்துதல், முதியோருக்கு உதவ சுய உதவிக் குழுக்களை நியமிப்பது உள்ளிட்ட நடவடிக்கைகள் எடுக்கப்பட வேண்டும் என்பதே இந்நாளின் குறிக்கோள். இதனிடையே முதியோர் நலன் காக்க, நாம் தெரிந்துகொள்ள வேண்டிய முக்கியத் தகவல்… தெருவோரங்களில் வயதான பெரியவர்கள் ஆதரவின்றி நிற்பதைக் கண்டால் பரிதாபமாக இருக்கிறது அல்லவா? அத்தகைய முதியவர்களுக்கு உதவுவதற்கு என்றே ‘1253’ ஹெல்ப் லைன் உள்ளது. சென்னை மற்றும் அதைச் சுற்றியுள்ள பகுதிகளில் ஆதரவற்ற முதியவர்களுக்கு இந்த ஹெல்ப் லைனில் தொடர்புகொண்டு விவரத்தைச் சொல்லி உதவலாம். தமிழகத்தின் மற்ற பகுதிகளில் உள்ளவர்கள் ‘1800 180 1253’ என்ற எண்களுக்குத் தொடர்புகொள்ளலாம். இந்த ஹெல்ப் லைன் இயங்கும் விதம்பற்றி, ஹெல்ப் ஏஜ் இந்தியா (Help Age India) அமைப்பின் தமிழ்நாடு மாநிலத்தின் இயக்குனர் பி.ஆர்.அன்பழகன் ஆந்தை ரிப்போர்ட்டர் குழுமத்திடம் கூறும்போது, ‘‘சென்னையில் ஆதரவற்ற முதியோர்களுக்கு உதவித் தேவைப்பட்டால், முதியோர் இல்லத்தில் சேர்ப்பதற்கான நடவடிக்கைகள் எடுப்போம். மற்ற பகுதிகளில் எங்களுடன் தொடர்பில் உள்ள முதியோர் இல்லங்களுடன் பேசி ஏற்பாடுகளைச் செய்வோம். எந்த முதியவருக்கு உதவி தேவைப்படுகிறதோ, அவரது முழு ஒப்புதலுடன்தான் உதவிகளைச் செய்வோம். பிள்ளைகள் பராமரிப்பதில்லை, வசிக்க வீடு இல்லை, சாப்பாடு இல்லை என முதியவர்களின் நலன் தொடர்பான எந்த சேவைக்கும் எங்கள் ஹெல்ப் லைனில் தகவல் தெரிவித்தால், அவர்களுக்கான மீட்பு நடவடிக்கையில் ஈடுபடுவோம். எங்களுக்கு மாணவர்களிடம் இருந்து நிறைய அழைப்புகள் வருவதும், அவர்கள் மூலம் முதியவர்கள் பலர் மீட்கப்படுவதும் மகிழ்ச்சி அளிக்கும் விஷயமாக இருக்கிறது. சுட்டிகளுக்கு மதிப்புக்கல்வியை அளிப்பதற்காக http://www.hisave.org/ என்ற வலைத்தளத்தையும் உருவாக்கி உள்ளோம்” என்றார்.
ஊட்டி மலை ரயிலின் வரலாற்று நாள் – (Nilgiri Mountain Railway’s First Run – 1899) “உலகப் பாரம்பரிய சின்னமான ஊட்டி மலை ரயிலின் 125 ஆண்டுகளுக்கும் மேலான பயணம்!” இன்று (ஜூன் 15) நீலகிரி மலை ரயில் (NMR) தனது முதல் பயணத்தை 1899-ஆம் ஆண்டு தொடங்கியதன் வரலாற்று நாள்! இந்தியாவின் முதல் மலை ரயில்களில் ஒன்றான இது, யுனெஸ்கோ உலக பாரம்பரிய தளமாக (2005-ல்) அங்கீகரிக்கப்பட்டுள்ளது. ஏன் இந்த ரயில் தனித்துவமானது? இந்தியாவின் ஒரே “ரேக் & பினியன்” மலை ரயில் – நிலக்கரி நீராவி என்ஜின்களால் இயக்கப்பட்டது. காட்சிகளின் கவின்: மேட்டுப்பாளையம் முதல் ஊட்டி வரை 46 கி.மீ பயணத்தில் பனிமலைகள், தேயிலைத் தோட்டங்கள், காடுகள் ஆகியவற்றின் அழகு. சுவிட்சர்லாந்து தொழில்நுட்பம்: 1914-ல் சுவிட்சர்லாந்தில் உருவாக்கப்பட்ட நீராவி என்ஜின்கள் பயன்படுத்தப்பட்டன. வரலாற்று நிகழ்வுகள்: 1899 ஜூன் 15: முதல் சேவை மேட்டுப்பாளையம் – குன்னூர் இடையே தொடங்கியது. 1908 அக்டோபர் 15: குன்னூர் – ஊட்டி பிரிவு திறக்கப்பட்டது. 1903: இந்திய அரசு இதனை தேசியமயமாக்கியது. 2005: யுனெஸ்கோ உலக பாரம்பரிய தளம் என்று அறிவித்தது. நீலகிரி மலை ரயிலின் சிறப்புகள்: ஆழமான பள்ளத்தாக்குகள் மற்றும் 250+ பாலங்கள். 16 கூர்மையான வளைவுகள் மற்றும் 208 சுற்றுகள். இன்றும் செயல்பாட்டில் உள்ள நீராவி என்ஜின்கள் (பாரம்பரிய ரயில் அனுபவம்). “ஒரு ரயில் பயணம் இல்லை – ஒரு காலத்தின் பயணம்! நீலகிரியின் இதயத்தைத் தொடும் ஊட்டி மலை ரயில்.” இந்த வரலாற்று நாளில், NMR-ன் அருமையை நினைவுகூர்வோம்! பகிரவும்: #NilgiriMountainRailway #UNESCOHeritage #NMR125Years #UttiOotyTrain பயணிக்கவும், புகழவும், பாதுகாக்கவும்!
“உயிர்காக்கும் இரத்த தானத்தின் தொடக்கம்!” இன்று (ஜூன் 15) 1667-ஆம் ஆண்டு, பிரெஞ்சு மருத்துவர் ஜீன்-பாப்டிஸ்ட் டெனிஸ் (லூயி XIV-இன் அரச வைத்தியர்) ஒரு இளைஞனின் உடலில் ஆட்டின் இரத்தத்தை செலுத்தினார். இதுவே வரலாற்றில் ஆவணப்படுத்தப்பட்ட முதல் இரத்த செலுத்தல் (Blood Transfusion) ஆகும்! இந்த சோதனை எப்படி நடந்தது? ஆட்டின் இரத்தம் → 15 வயது இளைஞனுக்கு மாற்றம். காரணம்: அக்காலத்தில் மனித இரத்தம் பற்றிய அறிவு குறைவு. ஆடுகளின் “அமைதியான” இரத்தம் பயன்படுத்தப்பட்டது. விளைவு: பாக்டீரியா தொற்று/ஒவ்வாமை இல்லாததால், அந்த இளைஞன் உயிர் தப்பினான்! (ஆனால் பின்னர் சில நோயாளிகள் இறந்தனர்). இரத்த செலுத்தலின் பரிணாமம்: 1818: மனித-க்கு-மனித இரத்த மாற்றம் (ஜேம்ஸ் பிளண்டல்). 1901: இரத்த வகைகள் (A, B, AB, O) கண்டுபிடிக்கப்பட்டன (கார்ல் லேண்ட்ஸ்டெய்னர்). இன்று: பாதுகாப்பான இரத்த தானம் & மாற்று தொழில்நுட்பங்கள். “ஒரு ஆட்டின் இரத்தம் மனித உயிரைக் காப்பாற்றிய நாள்! இன்று, இந்த சிகிச்சை லட்சக்கணக்கான உயிர்களைக் காக்கிறது.”
