தொடர் விடுமுறை எதிரொலி கடும் போக்குவரத்து நெரிசல்! | தனுஜா ஜெயராமன்

தொடர் விடுமுறை காரணமாக ஏராளமானோர் சொந்த ஊர் செல்வதால் சென்னை பெருங்களத்தூரில் போக்குவரத்து நெரிசல் ஏற்பட்டது.

இதனால் பெருங்களத்தூர் ஜி.எஸ்.டி.சாலையில் போக்குவரத்து நெரிசல் ஏற்பட்டது. அதிகளவில் மக்கள் சென்ற காரணத்தாலும், சிறப்பு பேருந்துகளாலும், அப்பகுதியில் பாலப்பணிகள் வேறு நடந்து வருவதாலும் கடுமையான போக்குவரத்து நெரிசல் ஏற்பட்டது.

தமிழ்நாட்டின் பல்வேறு பகுதிகள் ளை சேர்ந்தவர்கள் சென்னையில் பணிபுரிந்து வருகின்றனர். இதேபோல் கேரளா உள்ளிட்ட வெளி மாநிலங்களை சேர்ந்தர்வகளும் பணி நிமித்தமாக சென்னையில் வசித்து வருகின்றனர். தீபாவளி, பொங்கல் உள்ளிட்ட முக்கிய பண்டிகையின் போது அவர்கள் சொந்த ஊர் செல்வது வழக்கம். ஆனால்
மிலாடி நபி, காந்தி ஜெயந்தி, காலாண்டு தேர்வு உள்ளிட்ட காரணங்களால் பள்ளி கல்லூரி மற்றும் அலுவகங்கள் தொடர் விடுமுறை விடப்பட்டுள்ளது. இதன் காரணமாக ஏராளமானோர் சொந்த ஊர்களுக்கு சென்றனர்.

மாலையில் இருந்தே அதிக போக்குவரத்து நெரிசல் காணப்பட்ட நிலையில் இரவு 12 மணி நெரிசல் அதிகளவில் இருந்தது.

மேலும் குறைந்த போக்குவரத்து போலீசார் பணியில் இருந்தால் நெரிசல் அதிக நேரம் நீடித்தது.
இதனிடையே வெளியூர் செல்வதற்காக அரசு விரைவுப்பேருந்து செயலி முன்பதிவு செய்ய முயன்ற போது இரவு 8 மணி முதல் வேலை செய்யவில்லை எனவும் பயணிகள் புகார் தெரிவித்துள்ளனர்.