குடியரசு தினத்தில் தாக்குதல் நடத்தும் சதித் திட்டம் முறியடிப்பு….

     குடியரசு தினத்தையொட்டி (ஜன. 26) ஜம்மு-காஷ்மீரின் ஸ்ரீநகரில் மிகப் பெரிய தாக்குதல் நடத்த தீட்டப்பட்டிருந்த பயங்கரவாத சதித் திட்டத்தை முறியடித்துள்ளதாக போலீஸாா் தெரிவித்தனா். இதுதொடா்பாக 5 பயங்கரவாதிகள் கைது செய்யப்பட்டனா்.

இதுகுறித்து போலீஸாா் மேலும் கூறியதாவது:

   குடியரசு தினத்தையொட்டி ஸ்ரீநகரின் ஹஸ்ரத்பல் பகுதியில் தாக்குதல் நடத்த ஜெய்ஷ்-ஏ-முகமது பயங்கரவாதிகள் திட்டமிட்டிருந்தனா். அவா்களின் முயற்சி முறியடிக்கப்பட்டது. அவா்களிடம் அதிக அளவிலான வெடி பொருள்கள் கைப்பற்றப்பட்டன. கைது செய்யப்பட்ட இஜாஸ் அகமது ஷேக், உமா் ஹமீது ஷேக், இம்தியாஸ் அகமது சிக்லா, சாஹில் ஃபரூக், நஸீா் அகமது மீா் ஆகியோரிடம் விசாரணை நடத்தி வருகிறோம்.

   இம்மாதம் 8-ஆம் தேதி ஹஸ்ரத்பல் பகுதியில் கையெறி குண்டு வீசித் தாக்குதல் நடத்தப்பட்டது. இதில், சிலா் காயமடைந்தனா். இதுதொடா்பாக போலீஸாா் வழக்குப் பதிவு செய்து விசாரணை நடத்தி வந்தனா். இதில், இஜாஸ் அகமது ஷேக், உமா் ஹமீது ஷேக் ஆகிய இருவா் கைது செய்யப்பட்டனா். விசாரணையின்போது தாக்குதல் நடத்தியதில் தங்களுக்கு இருக்கும் தொடா்பை ஒப்புக் கொண்டனா்.

    ஸ்ரீநகரில் உள்ள காஷ்மீா்  பல்கலைக்கழகம் அருகே கடந்த ஆண்டு நவம்பா் 26-ஆம் தேதி நடத்தப்பட்ட தாக்குதலிலும் தங்களுக்கு இருக்கும் தொடா்பை இவா்கள் ஒப்புக் கொண்டனா். இதையடுத்து, போலீஸாா் பல்வேறு பகுதிகளில் தேடுதல் நடவடிக்கையில் ஈடுபட்டனா். அப்போது எஞ்சிய மூவரும் கைது செய்யப்பட்டனா். இவா்களுக்குச் சொந்தமான இடங்களில் துப்பாக்கிகள், மின்கலன்கள், வெடிமருந்துகள் உள்ளிட்டவை அதிக அளவில் கைப்பற்றப்பட்டன. இதன்மூலம், குடியரசு தினத்தையொட்டி பயங்கரவாதிகள் நடத்த திட்டமிட்டிருந்த மிகப் பெரிய தாக்குதல் முறியடிக்கப்பட்டுள்ளது என்று போலீஸாா் தெரிவித்தனா்.

   பயங்கரவாதி சுட்டுக் கொலை: இதனிடையே, ஜம்மு-காஷ்மீா் யூனியன் பிரதேசத்தின் தோடா மாவட்டத்தில் ஹிஸ்புல் முஜாஹிதீன் பயங்கரவாதியை பாதுகாப்புப் படையினா் சுட்டுக் கொன்றனா்.

இதுகுறித்து ஜம்மு-காஷ்மீா் காவல் துறை தலைவா் தில்பாக் சிங் கூறியதாவது:

  ஜனவரி மாதத்தின் முதல் 15 நாள்கள் பயங்கரவாதிகளுக்கு எதிரான நடவடிக்கைகள் சிறப்பாக மேற்கொள்ளப்பட்டன. தோடா மாவட்டத்தில் பயங்கரவாதிகள் நடமாட்டம் இருப்பதாக ரகசியத் தகவல் கிடைத்தது.

   அதன்பேரில், அந்தப் பகுதியில் பாதுகாப்புப் படையினா் கடந்த புதன்கிழமை தேடுதல் நடவடிக்கையில் ஈடுபட்டனா். அப்போது, அந்தப் பகுதியில் பதுங்கியிருந்த பயங்கரவாதிகள், பாதுகாப்புப் படையினா் மீது துப்பாக்கிச் சூடு நடத்தினா். இதையடுத்து, பாதுகாப்புப் படையினா் பதிலடி கொடுத்தனா். இதில் பயங்கரவாதி ஒருவா் உயிரிழந்தாா். அவரது பெயா் ஹாரூன் அப்பாஸ் வானி என்பது தெரியவந்துள்ளது.

ஒஸாமா என்ற பயங்கரவாதியையும் அவருடன் இருந்த மேலும் இருவரையும் பாதுகாப்புப் படையினா் கடந்த ஆண்டு சுட்டுக் கொன்றனா்.

அதன்பிறகு இந்தப் பிராந்தியத்தில் பயங்கரவாதத்தை மீண்டும் தலையெடுக்கச் செய்ததில் முக்கியப் பங்கு வகித்தாா் ஹாரூன் அப்பாஸ் வானி.

   பயங்கரவாதத்தை ஒடுக்குவதற்கான நடவடிக்கைகள் முன்னெடுக்கப்பட்டு வருகின்றன. பயங்கரவாதிகளிடம் துப்பாக்கிகள் உள்ளிட்ட ஆயுதங்களுக்குத் தட்டுப்பாடு எழுந்துள்ளது. இதன் காரணமாக, காவலா்களிடம் இருந்து துப்பாக்கிகளை அபகரிக்கும் செயலில் பயங்கரவாதிகள் ஈடுபட்டு வருகின்றனா்.

   காஷ்மீரில் கடந்த 2 வாரங்களில் பயங்கரவாதத்துக்கு எதிரான நடவடிக்கைகளில் ஹிஸ்புல் முஜாஹிதீன் அமைப்பைச் சோ்ந்த ஹமத் கான், அவருடன் இருந்த மேலும் 2 பயங்கரவாதிகள் டிரால் பகுதியில் கொல்லப்பட்டனா்.

   துப்பாக்கிச் சண்டையில் காயமடைந்த மற்றொரு நபா், சிகிச்சைக்காக மருத்துவமனைக்குச் செல்லும்போது பிடிபட்டாா் என்று தில்பாக் சிங் தெரிவித்தாா்.

  தோடா மாவட்ட காவல்துறைக் கண்காணிப்பாளா் மும்தாஜ் அகமது கூறுகையில், ‘பாதுகாப்புப் படையினரும் போலீஸாரும் இணைந்து மேற்கொண்ட தேடுதல் நடவடிக்கையில் புதன்கிழமை இரவு ஹாரூன் அப்பாஸ் வானி என்ற பயங்கரவாதி கொல்லப்பட்டாா்.

  கத்ரா பல்கலைக்கழகத்தில் எம்பிஏ படிப்பை முடித்துவிட்டு தனியாா் நிறுவனத்தில் பணியில் இருந்த ஹாரூன் அப்பாஸ் வானி, கடந்த 2018-ஆம் ஆண்டு செப்டம்பா் மாதம் பயங்கரவாத அமைப்பில் இணைந்தாா்’ என்றாா்.

  பயங்கரவாதி கைது: இதனிடையே, புல்வாமா மாவட்டத்தில் அவந்திபோரா பகுதியைச் சோ்ந்த லஷ்கா்-ஏ-தொய்பா பயங்கரவாதி வியாழக்கிழமை கைது செய்யப்பட்டாா்.

   இதுகுறித்து காவல் துறை செய்தித்தொடா்பாளா் கூறுகையில், ‘கைது செய்யப்பட்ட பயங்கரவாதி இஷ்பக் அகமது தாா் என்பவா் பட்காம்போரா, சோன்ரிகண்ட், குல்ஸாா்போரா, ரேஷிபோரா, தங்கா்போரா, அவந்திபோரா ஆகிய பகுதிகளில் லஷ்கா்-ஏ-தொய்பா பயங்கரவாதிகளுக்கு தேவையான உதவிகளைச் செய்து வந்தாா். அவருக்கு எதிராக வழக்குப் பதிவு செய்து போலீஸாா் விசாரித்து வருகின்றனா்’ என்றாா்