வரலாற்றில் இன்று (07.07.2024)

வரலாறு என்பது இறந்த காலத்தில் நிகழ்ந்த விஷயத்தை பற்றி நாம் தெரிந்து கொள்ளும் ஒன்றாகும். குறிப்பாக வரலாற்றில் ஒருவர் செய்த சாதனைகள், தியாகங்கள், சிறப்புகள் இதுபோன்ற பலவகையான முக்கிய விஷயங்கள் பற்றி அனைவருக்கும் தெரியப்படுத்தும் விஷயமாகும். தெளிவாக சொல்ல வேண்டும் என்றால் தங்கள் வாழும் காலத்தின் பின்னணியில் கடந்த காலத்தின் நிகழ்வுகளை விளக்கி வரலாறாக எழுதுகின்றனர். சரி இந்த பதிவில் நாம் நமது வாழ்வில் கடந்து செல்லும் ஒவ்வொரு நாட்களிலும் ஏதாவது ஒரு விஷயம் நிகழ்ந்திருக்கலாம் அந்த  வகையில் வரலாற்றில் இன்று என்ன நாள்? என்பதை பற்றி நாம் நமது மின்கைத்தடியின் இந்த தொகுப்பில் படித்து தெரிந்து கொள்வோம் வாங்க..

வரலாற்றில் இன்று | Today History in Tamil

சூலை 7 (July 7) கிரிகோரியன் ஆண்டின் 188 ஆம் நாளாகும். நெட்டாண்டுகளில் 189 ஆம் நாள். ஆண்டு முடிவிற்கு மேலும் 177 நாட்கள் உள்ளன.

நிகழ்வுகள்

1124 – சிலுவைப் போர் வீரர்களிடம் லெபனானின் டைர் நகரம் வீழ்ந்தது.
1456 – ஜோன் ஆஃப் ஆர்க் குற்றமற்றவர் என அவர் தூக்கிலிடப்பட்டு 25 ஆண்டுகளின் பின்னர் தீர்ப்பளிக்கப்பட்டது.
1534 – சாக் கார்ட்டியே கனடியப் பழங்குடியினருடன் தனது முதல் தொடர்பை ஏற்படுத்தினார்.
1543 – பிரெஞ்சுப் படையினர் லக்சம்பர்க்கை ஊடுருவினர்.
1575 – இங்கிலாந்துக்கும் இசுக்கொட்லாந்துக்கும் இடையே கடைசிப் பெரும் போர் ரீட்சுவயர் என்ற இடத்தில் இடம்பெற்றது.
1770 – உருசியப் பேரரசுக்கும் உதுமானியப் பேரரசுக்கும் இடையே லார்கா என்ற இடத்தில் போர் இடம்பெற்றது.
1799 – பஞ்சாப் மன்னன் ரஞ்சித் சிங்கின் படையினர் லாகூரை அடுத்துள்ள பகுதிகளைப் பிடித்தனர்.
1807 – பிரான்சு, புருசியா, உருசியா ஆகியவற்றிடையே அமைதி உடன்பாடு ஏற்பட்டது. நான்காவது கூட்டமைப்புப் போர் முடிவுக்கு வந்தது.
1834 – நியூயார்க்கில் அடிமை முறைக்கு எதிரானவர்கள் மீதான நான்கு நாள் வன்முறைகள் ஆரம்பமானது.
1846 – அமெரிக்கப் படைகள் மான்டரே, யெர்பா புவெனா ஆகியவற்றைக் கைப்பற்றின. கலிபோர்னியாவைக் கைப்பற்றும் அமெரிக்கத் திட்டம் ஆரம்பமானது.
1865 – ஆபிரகாம் லிங்கன் கொலை தொடர்பான நால்வர் தூக்கிலிடப்பட்டனர்.
1896 – இந்தியாவில் முதற் தடவையாக பம்பாயில் திரைப்படம் அறிமுகப்படுத்தப்பட்டது.
1898 – அமெரிக்கத் தலைவர் வில்லியம் மெக்கின்லி அவாயை அமெரிக்காவுடன் இணைக்கும் உடன்பாட்டில் கையெழுத்திட்டார்.
1915 – 157 பயணிகளுடன் சென்ற திரொலி ஒன்ராறியோ குவீன்ஸ்டன் நகரில் விபத்துக்குள்ளானதில் 15 பேர் உயிரிழந்தனர்.
1915 – 1915 சிங்களவர் முசுலிம்கள் கலவரம்: இலங்கையில் முசுலிம்களுக்கு எதிராக வன்முறைகளைத் தூண்டி விட்டார் என்ற குற்றச்சாட்டில் என்றி பெதிரிசு என்ற இராணுவ அலுவலர் கொழும்பில் தூக்கிலிடப்பட்டார்.
1928 – துண்டுகளாக்கப்பட்ட வெதுப்பிகள் முதல்தடவையாக மிசூரியில் விற்பனைக்கு வந்தது.
1937 – மார்க்கோ போலோ பாலச் சம்பவம் இரண்டாம் சீன-சப்பானியப் போர் ஆரம்பிக்கக் காரணமாக அமைந்தது.
1937 – பாலத்தீனத்தை இரண்டாகப் பிரிக்கும் திட்டம் முதல்தடவையாகப் பரிந்துரைக்கப்பட்டது.
1941 – ஐசுலாந்தில் அமெரிக்கப் படைகள் தரையிறங்கின. பிரித்தானிய ஆதிக்கம் முடிவுக்கு வந்தது.
1941 – இரண்டாம் உலகப் போர்: பெய்ரூத் பிரெஞ்சு, பிரித்தானியப் படைகள் வசம் வந்தது.
1942 – இரண்டாம் உலகப் போர்: செருமனியின் யூ-701 நீர்மூழ்கிக்கப்பல் அழிக்கப்பட்டது.
1953 – சே குவேரா பொலிவியா, பெரு, எக்குவடோர், பனாமா, கோஸ்ட்டா ரிக்கா, நிக்கராகுவா, ஹொண்டுராஸ், எல் சால்வடோர் பயணங்களை ஆரம்பித்தார்.
1959 – வெள்ளிக் கோள் ரேகுளுஸ் விண்மீனை மறைத்தது. இந்நிகழ்வு வெள்ளியின் விட்டம் மற்றும் அதன் வளிமண்டலம் போன்றவற்றை அளக்க உதவியது.
1978 – சொலமன் தீவுகள் ஐக்கிய இராச்சியத்திடம் இருந்து விடுதலை பெற்றது.
1980 – ஈரானில் இசுலாமியச் சட்ட முறைமை நடைமுறைக்கு வந்தது.
1980 – லெபனான் உள்நாட்டுப் போர்: 83 புலிப் போராளிகள் கொல்லப்பட்டனர்.
1983 – பனிப்போர்: சோவியத் தலைவர் யூரி அந்திரோப்போவின் அழைப்பின் பேரில் அமெரிக்க பாடசாலைச் சிறுமி சமந்தா சிமித் மாஸ்கோ சென்றார்.
1985 – பொறிஸ் பெக்கர் விம்பிள்டன் கோப்பையை வென்ற இளம் டென்னிசு வீரர் (அகவை 17) என்ற சாதனையை ஏற்படுத்தினார்.
1991 – சுலோவீனியாவில் 10-நாள் விடுதலைப் போர் முடிவுக்கு வந்தது.
1997 – ஈராக்கிய-குருதிய உள்நாட்டுப் போரில் குர்திஸ்தான் சனநாயகக் கட்சிக்கு ஆதரவாக செயல்பட்ட துருக்கியப் படைகள் வடக்கு ஈராக்கில் இருந்து வெளியேறின.
2003 – நாசாவின் ஆப்பர்சூனிட்டி தளவுளவி விண்ணுக்கு ஏவப்பட்டது.
2005 – இலண்டனில் இடம்பெற்ற நான்கு வெவ்வேறு தற்கொலைத் தாக்குதல்களில் 56 பேர் கொல்லப்பட்டனர். 700 இற்கும் அதிகமானோர் காயமடைந்தனர்.
2007 – புதிய ஏழு உலக அதிசயங்கள் பட்டியல் வெளியிடப்பட்டது. இந்தியாவின் தாஜ் மகால் புதிய 7 உலக அதிசயங்களில் ஒன்றாகத் தேர்ந்தெடுக்கப்பட்டது.
2008 – பிரசாத் பிரா விகார் என்ற கம்போடியாவின் 11ம் நூற்றாண்டு இந்துக் கோயில் யுனெஸ்கோவின் உலக பாரம்பரியக் களங்களின் பட்டியலில் சேர்க்கப்பட்டது.
2008 – காபூல் இந்தியத் தூதரகம் மீது நடத்தப்பட்ட தற்கொலைத் தாக்குதலில் 58 பேர் கொல்லப்பட்டனர்.
2012 – உருசியாவின் கிராசுனதாரில் வெள்ளப்பெருக்கின் காரணமாக 172 பேர் உயிரிழ்ந்தனர்.

பிறப்புகள்

1656 – குரு அர் கிருசன், 8வது சீக்கிய குரு (இ. 1664)
1843 – கேமிலோ கொல்கி, நோபல் பரிசு பெற்ற இத்தாலிய மருத்துவர் (இ. 1926)
1859 – இரட்டைமலை சீனிவாசன், இந்திய விடுதலைப் போராட்ட செயற்பாட்டளர், அரசியல்வாதி (இ. 1945)
1860 – குஸ்தாவ் மாலர், ஆத்திரிய இசையமைப்பாளர் (இ. 1911)
1861 – நெட்டி இசுட்டீவன்சு, அமெரிக்க மரபியலாளர் (இ. 1912)
1882 – யங்கா குபாலா, பெலருசியக் கவிஞர் (இ. 1941)
1901 – சி. வி. வி. பந்துலு, தென்னிந்தியத் திரைப்பட நடிகர்
1907 – ராபர்ட் ஏ. ஐன்லைன், அமெரிக்க எழுத்தாளர் (இ. 1988)
1924 – அரு. ராமநாதன், தமிழக பத்திரிகையாளர், திரைவசன எழுத்தாளர் (இ. 1974)
1926 – நுவான் சியா, கம்போடியாவின் அரசியல்வாதி
1933 – டேவிட் மெக்காலோ, அமெரிக்க வரலாற்றாளர்
1942 – அ. பாலமனோகரன், ஈழத்து எழுத்தாளர்
1944 – சேசம்பட்டி சிவலிங்கம், தமிழக நாதசுவரக் கலைஞர்
1947 – ஞானேந்திரா, நேபாளத்தின் கடைசி மன்னர்
1962 – வடிவுக்கரசி, தமிழகத் திரைப்பட, தொலைக்காட்சி நடிகை
1964 – நபம் துக்கி, அருணாசலப் பிரதேசத்தின் 8வது முதலமைச்சர்
1973 – கைலாசு கேர், இந்தியப் பாடகர், இயக்குநர்
1981 – மகேந்திரசிங் தோனி, இந்தியத் துடுப்பாளர்
1984 – மொகமது அஷ்ரஃபுல், வங்காளதேசத் துடுப்பாளர்

இறப்புகள்

1307 – முதலாம் எட்வர்டு, இங்கிலாந்து மன்னர் (பி. 1239)
1758 – மார்த்தாண்ட வர்மர், திருவிதாங்கூர் மன்னர் (பி. 1706)[1]
1930 – ஆர்தர் கொனன் டொயில், பிரித்தானிய புனைகதை எழுத்தாளர் (பி. 1859)
1994 – கா. மு. ஷெரீப், தமிழ்த் திரைப்படப் பாடலாசிரியர், கவிஞர், விடுதலைப் போராட்ட செயற்பாட்டாளர் (பி. 1914)
2006 – ஜி. வெங்கடசாமி, தமிழக கண் மருத்துவர், தொழிலதிபர் (பி. 1918)
2009 – கரோலின் அந்தோனிப்பிள்ளை, இலங்கை இடதுசாரித் தலைவர் (பி. 1908)
2014 – எதுவார்து செவர்துநாத்சே, சியார்ச்சியாவின் 2வது அரசுத்தலைவர் (பி. 1928)

சிறப்பு நாள்

உலக சாக்கலேட் நாள்
விடுதலை நாள் (சொலமன் தீவுகள், ஐக்கிய இராச்சியத்திடம் இருந்து 1978)