அடுத்த வருடத்தில் வாட்ஸ்ஆப்பில் இருந்து என்னென்ன எதிர் பார்க்கலாம்?

ஃபேஸ்அன்லாக் மூலம் செல்ஃபோன்களை அன்லாக் செய்வது போன்றே, வாட்ஸ்ஆப் செயலியையும் அன்லாக் செய்ய உருவாக்கப்பட்ட சிறப்பு ஏற்பாடு இதுவாகும். உங்களுடைய சாட்களை மற்றவர்கள் பார்ப்பதை தடுக்கும் வகையில் இது உருவாக்கப்பட்டுள்ளது. இந்த ஃபேஸ் ஐடி சப்போர்ட் மூலமாக வாட்ஸ்ஆப் செயல்பாடு அடுத்த ஆண்டில் நிச்சயம் அப்டேட் செய்யப்படும் என்று அறிவிக்கப்பட்டுள்ளது.  தற்போது வரை ஒரே ஒரு அக்கௌண்ட்டை ஒரே ஒரு டிவைஸில் மட்டுமே பயன்படுத்த இயலும் நிலை உள்ளது. ஆனால் வரும் காலங்களில் ஒன்றுக்கும் மேற்பட்ட டிவைஸ்களில் பயன்படுத்திக் கொள்ள ஏற்பாடுகள் நடைபெற்று வருகிறது.

தற்போது நம்முடைய கான்டாக்ட்டில் இருப்பவர்கள் மட்டுமே பார்க்கும் வகையில் லாஸ்ட் சீன் உள்ளது. இல்லையென்றால் அனைவரும் பார்க்கும் வகையிலும், அல்லது யாரும் பார்க்க முடியாத வகையிலும் மட்டுமே செட்டிங்கில் மாற்ற இயலும். தற்போது கான்டாக்டில் இருப்பவர்களில் யாருக்கு மட்டும் லாஸ்ட் சீன் தெரிய வேண்டுமோ அவர்கள் மட்டும் பார்க்கும் வகையில் மாற்றிக் கொள்ள செட்டிங்கில் மாற்ற டெஸ்டிங் நடக்கிறது. 

வாட்ஸ்ஆப் வழியாக ப்ரௌசிங் செய்ய இயலும் வகையில் இன் ஆப் ப்ரௌசர் ஒன்றை உருவாக்கும் முயற்சியில் ஈடுபட்டு வருகிறது வாட்ஸ்ஆப் நிறுவனம். இதுவும் 2020ம் ஆண்டில் செயல்படுத்தபடும் என்று அறிவிக்கப்பட்டுள்ளது.