விஜய் டிவியில் ஒளிபரப்பாகும் பல நிகழ்ச்சிகளை தொகுத்து வழங்கி வருகின்றார் பிரியங்கா. இவர் சமீபத்தில் இரண்டாவது திருமணம் செய்துகொண்டார். அவர் இரண்டாவது திருமணம் செய்துகொண்ட புகைப்படங்கள் வெளியானது. இதனைத்தொடர்ந்து அவரின் கணவர் யார் என்பது பற்றிய தகவல் கிடைத்துள்ளது
விஜய் டிவி புகழ் ப்ரியங்கா தேஷ்பாண்டே இரண்டாவது திருமணம் செய்துகொண்டார். கர்நாடகாவில் பிறந்த ப்ரியங்கா சென்னையில் தான் படித்து வளர்ந்தார். அதன் பிறகு மீடியாவில் ஆர்வம் கொண்ட ப்ரியங்கா விஜய் டிவியில் பல நிகழ்ச்சிகளை தொகுத்து வழங்கியிருக்கிறார். சூப்பர் சிங்கர் உட்பட பல நிகழ்ச்சிகளை மிகவும் கலகலப்பாக தொகுத்து வழங்கி தனக்கென தனி ரசிகர்களை பட்டாளத்தை உருவாக்கியிருக்கிறார்.
எப்படி தொகுப்பாளினிகளில் அர்ச்சனா, DD ஆகியோர் மிகவும் பிரபலமாக புகழ்பெற்று இருக்கின்றார்களோ அதைப்போல தான் பிரியங்காவும் புகழ்பெற்ற தொகுப்பாளினியாக வலம் வருகின்றார். விஜய் டிவி பிரபலமான பிரியங்கா பிக் பாஸ் நிகழ்ச்சியிலும் கலந்துகொண்டார். பிக் பாஸ் சீசன் 5 நிகழ்ச்சியில் கலந்துகொண்டு அதன் மூலம் மேலும் பிரபலமடைந்தார்.
ஐந்தாவது சீசனில் கலந்துகொண்ட பிரியங்கா அந்த சீசனில் ரன்னர் அப்பாக இருந்தார். இந்நிலையில் 
ப்ரியங்கா கடந்த 2016 ஆம் ஆண்டு பிரவீன் குமார் என்பவரை காதலித்து திருமணம் செய்துகொண்டார். பிரவீன் குமார் விஜய் டிவியில் பணியாற்றி வந்ததாக சொல்லப்பட்டது. அதன் பிறகு ஆறு வருடங்கள் கழித்து பிரியங்கா மற்றும் பிரவீன் குமாருக்கு விவாகரத்து நடந்தது.
இருவரும் சில கருத்து வேறுபாடு காரணமாக கடந்த 2022 ஆம் ஆண்டு பிரிந்தனர். அதன் பிறகும் தொடர்ந்து விஜய் டிவி நிகழ்ச்சிகளையும், சில அயல்நாடு நிகழ்ச்சிகளையும் தொகுத்து வழங்கி வந்தார் பிரியங்கா. இந்நிலையில் நேற்று பிரியங்கா ரசிகர்களுக்கு இன்ப அதிர்ச்சி கொடுத்தார். பிரியங்கா இரண்டாவது திருமணம் செய்துகொண்ட புகைப்படங்களும் வீடியோக்களும் நேற்று இணையத்தில் வெளியாகி வைரலானது.
அதை பார்த்த ரசிகர்கள் அனைவர்க்கும் இன்ப அதிர்ச்சி தான் ஏற்பட்டது என்றே சொல்லலாம். திடீரென பிரியங்கா எந்த வித முன் அறிவிப்பும் இன்றி இரண்டாவது திருமணம் செய்துகொண்டார். ஒருபக்கம் இது ரசிகர்களுக்கு இன்ப அதிர்ச்சியாக இருந்தாலும் மறுபக்கம் அவரை மனதார வாழ்த்தியும் வருகின்றனர்.
இந்நிலையில் பிரியங்கா திருமணம் செய்துகொண்ட அவரது கணவர் யார் ? அவர் என்ன வேலை செய்கின்றார் என தெரிந்துகொள்ள ரசிகர்கள் ஆவலாக இருக்கின்றனர். இதைத்தொடர்ந்து ப்ரியங்காவின் கணவர் பற்றி ஒரு சில தகவல்கள் தெரியவந்துள்ளது. அவர் பெயர் வசி என்றும், அவர் சீரியல் தயாரிப்பாளர் என்றும் சொல்லப்படுகின்றது. ஆனால் ஒரு சிலர் அவர் ஒரு பிரபலமான DJ என்றும் கூறுகின்றனர்.
ஆனால் அவரின் கணவரின் உண்மையான வேலை என்ன என்பது பற்றி தெளிவாக தெரியவில்லை. இருப்பினும் அவரும் பிரியங்கா போல மீடியா லைனில் பிரபலமான ஒரு ஆள் தான் என்கின்றனர். இந்நிலையில் இவர்களின் திருமண புகைப்படங்கள் மற்றும் வீடியோக்கள் தொடர்ந்து இணையத்தில் வெளியாகி வைரலாகி வரும் நிலையில் ரசிகர்கள் இருவருக்கும் வாழ்த்துக்களை கூறி வருகின்றனர்.
