நயன்தாரா நடித்துள்ள ‘டெஸ்ட்’ படம் வருகிற ஏப்ரல் மாதம் நெட்பிளிக்ஸ் ஓ.டி.டி.யில் வெளியாக உள்ளது.
தமிழ் படம், விக்ரம் வேதா, இறுதி சுற்று, ஜகமே தந்திரம், மண்டேலா’ உள்ளிட்ட படங்களை தயாரித்த சசிகாந்த் தற்போது இயக்குனராக அறிமுகமாகி உள்ளார். இந்த படத்தில் நயன்தாரா முக்கிய கதாபாத்திரத்தில் நடித்துள்ளார். இப்படத்திற்கு ‘டெஸ்ட்’ என்று பெயரிடப்பட்டுள்ளது. வொய் நாட் ஸ்டுடியோஸ் நிறுவனத்தின் மூலம் சசிகாந்த் இந்த படத்தை தயாரிக்கிறார். மாதவன், சித்தார்த், மீரா ஜாஸ்மின் உள்ளிட்டோர் முக்கிய கதாபாத்திரத்தில் நடித்துள்ளனர். டெஸ்ட் கிரிக்கெட்டை மையப்படுத்தி இப்படம் உருவாகி உள்ளது.
இந்த படத்திற்கு இசையமைப்பாளர் சக்தி ஸ்ரீ கோபாலன் இசையமைக்கிறார். இப்படத்தில் சித்தார்த் கிரிக்கெட் வீரராக நடித்துள்ளார். சமீபத்தில் வெளியான் ‘டெஸ்ட்’ திரைப்படத்தின் டீசர் ரசிகர்கள் மத்தியில் நல்ல வரவேற்பை பெற்றது.
இந்தத் திரைப்படம் வருகிற ஏப்ரல் 4-ம் தேதி நேரடியாக நெட்பிளிக்ஸ் ஓ.டி.டி. தளத்தில் வெளியாகவுள்ளது. சமீபத்தில் மாதவன், சித்தார்த், நயன்தாரா ஆகியோரின் கதாபாத்திர அறிமுக வீடியோ வெளியாகி வைரலானது. இந்தநிலையில் தற்போது ‘டெஸ்ட்’ படத்தின் டிரெய்லர் வெளியாகி உள்ளது.
