“பயணிகளின் கனிவான கவனத்திற்கு”

சென்னை சென்டிரல்-சூலூர்பேட்டை 16 மின்சார ரெயில்கள் ரத்து..!

சென்டிரல்-சூலூர்பேட்டை இடையே 16 மின்சார ரெயில்கள் ரத்துசெய்யப்படுவதாக தெற்கு ரெயில்வே அறிவித்துள்ளது.

பராமரிப்புப் பணிகள் காரணமாக சென்டிரல்-சூலூர்பேட்டை, கும்மிடிப்பூண்டி வழித்தடத்தில் இயக்கும் 16 புறநகர் மின்சார ரெயில்கள் இன்று (சனிக்கிழமை) ரத்து செய்யப்பட்டுள்ளன.

இதுதொடர்பாக தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

சென்னை சென்டிரல்-கூடூர் வழித்தடத்தில் உள்ள கவரைப்பேட்டை-பொன்னேரி ரெயில் நிலையங்களுக்கு இடையே இன்று (சனிக்கிழமை) பராமரிப்பு பணி நடைபெறுவதால் மின்சார ரெயில்கள் ரத்துசெய்யப்படுகிறது அதன்படி, சென்னை சென்டிரலில் இருந்து இன்று காலை 5.40, 10.15, மதியம் 12.10 மணிக்கு புறப்பட்டு சூலூர்பேட்டை செல்லும் மின்சார ரெயில்கள் ரத்து செய்யப்படுகிறது. அதே போல, சூலூர்பேட்டையில் இருந்து மதியம் 12.35, 1,15, 3.10 மணிக்கு புறப்பட்டு சென்னை சென்டிரல் வரும் மின்சார ரெயிலும் ரத்துசெய்யப்படுகிறது.

சென்டிரலில் இருந்து காலை 10.30, 11.35, மதியம் 1.40 மணிக்கு புறப்பட்டு கும்மிடிப்பூண்டி செல்லும் மின்சார ரெயில்கள் ரத்து செய்யப்படுகிறது. அதே போல, கும்மிடிப்பூண்டியில் இருந்து மதியம் 1, 2.30, 3.15, 3.45, 4.30 மணிக்கு புறப்பட்டு சென்டிரல் வரும் ரெயிலும் ரத்துசெய்யப்படுகிறது.

சென்னை கடற்கரையில் இருந்து மதியம் 12.40 2.40 மணிக்கு புறப்பட்டு கும்மிடிப்பூண்டி செல்லும் மின்சார ரெயில்கள் ரத்துசெய்யப்படுகிறது.

இவ்வாறு அதில் கூறப்பட்டுள்ளது.

சிறப்பு ரெயில்கள் (இன்று மட்டும்)

சென்னை கடற்கரை-பொன்னேரி மதியம் 12.40, 2.40 மணி.

பொன்னேரி-சென்டிரல் மதியம் 1.18, 3.33 மணி.

மீஞ்சூர்-சென்டிரல் மதியம் 2.59, மாலை 4.14 மணி.

சென்டிரல்-மீஞ்சூர் மதியம் 1.40 மணி.

சென்டிரல்-பொன்னேரி காலை 10.30 மணி.

சென்டிரல்-மீஞ்சூர் காலை 11.35 மணி.