ஜான் கால்வின் நினைவு நாளாகும். அவர் புரட்டஸ்தாந்து சீர்திருத்த இயக்க காலத்தைச் சேர்ந்த ஒரு பிரான்சிய கிறித்தவ மேய்ப்பரும், தலைசிறந்த இறையியல் வல்லுநரும் ஆவார். இவரின் போதனைகளும், கருத்துக்களும் கிறித்தவ இறையியல் சார்ந்த “கால்வினியம்” (Calvinism) என்னும் அமைப்பு உருவாவதற்கு முக்கிய காரணமாக அமைந்தன. பிறப்பு மற்றும் ஆரம்பகால வாழ்க்கை: ஜான் கால்வின் 1509 ஆம் ஆண்டு ஜூலை 10 ஆம் தேதி பிரான்சின் நோயோன் நகரில் பிறந்தார். ஆரம்பத்தில் சட்டப் படிப்பில் கவனம் செலுத்தினார், ஆனால் பின்னர் இறையியலை நோக்கி ஈர்க்கப்பட்டார். மனிதநேய மற்றும் சீர்திருத்தக் கருத்துக்களால் ஈர்க்கப்பட்டு, 1533 இல் கத்தோலிக்க திருச்சபையை விட்டு வெளியேறி புரட்டஸ்தாந்து சீர்திருத்த இயக்கத்தில் இணைந்தார். முக்கியப் பங்களிப்புகள் மற்றும் பணிகள்: “கிறித்தவ சமயக் கோட்பாடுகள்” (The Institutes of the Christian Religion): இது 1536 இல் வெளியிடப்பட்ட அவரது மிக முக்கியமான படைப்பு. இந்தப் புத்தகம் புரட்டஸ்தாந்து இறையியலின் அடிப்படைக் கோட்பாடுகளை விரிவாகவும், முறையாகவும் விளக்குகிறது. இது கால்வினிய இறையியலுக்கு ஒரு முக்கிய ஆதார நூலாக அமைந்தது. ஜெனீவாவில் சீர்திருத்தம்: கால்வின் சுவிட்சர்லாந்தின் ஜெனீவா நகரில் புரட்டஸ்தாந்து சீர்திருத்தத்தை வழிநடத்தினார். அங்கு அவர் திருச்சபை அமைப்பு, ஒழுக்கம் மற்றும் சமூகத்தின் மீது பெரும் தாக்கத்தை ஏற்படுத்தினார். அவரது சீர்திருத்தங்கள் ஜெனீவாவை ஒரு “கடவுளின் நகரம்” ஆக மாற்ற முயன்றன. போதனைகள்: கடவுளின் இறையாண்மை: கடவுள் அனைத்தையும் கட்டுப்படுத்துகிறார் மற்றும் அனைத்தும் அவருடைய திட்டத்தின்படியே நடக்கிறது என்பதை கால்வின் வலியுறுத்தினார். முன் நிர்ணயம் (Predestination): கடவுள் சிலரை இரட்சிப்புக்காகவும், சிலரை அழிவுக்காகவும் முன்பே தேர்ந்தெடுத்துள்ளார் என்ற கோட்பாடு கால்வினியத்தின் ஒரு முக்கிய அம்சம். இது “தேர்வு செய்யப்பட்டவர்கள்” (the elect) என்ற கருத்தை முன்வைக்கிறது. வேத வசனத்தின் அதிகாரம்: பைபிள் மட்டுமே விசுவாசம் மற்றும் ஒழுக்கத்திற்கான இறுதி அதிகாரம் என்று கால்வின் உறுதியாக நம்பினார். பாரம்பரிய திருச்சபை அதிகாரங்களை விட வேத வசனத்திற்கு அதிக முக்கியத்துவம் கொடுத்தார். சபையின் அமைப்பு: கால்வின் திருச்சபையின் அமைப்பு மற்றும் நிர்வாகத்தில் ஒரு குறிப்பிட்ட மாதிரிக்கு (Presbyterian system) ஆதரவளித்தார். மார்ட்டின் லூத்தருடன் வேறுபாடுகள்: புரட்டஸ்தாந்து சீர்திருத்த இயக்கத்தின் மற்றொரு முக்கிய தலைவரான மார்ட்டின் லூத்தர் உடன் கால்வினுக்கு சில கருத்து வேறுபாடுகள் இருந்தன, குறிப்பாக நற்கருணை (Holy Communion) மற்றும் திருச்சபை அதிகாரம் குறித்து. கால்வினியம் (Calvinism): ஜான் கால்வினின் போதனைகள் மற்றும் இறையியல் கருத்துக்கள் “கால்வினியம்” என அறியப்படும் ஒரு தனிப்பட்ட கிறிஸ்தவ இறையியல் அமைப்பாக வளர்ச்சி பெற்றது. இது “சீர்திருத்தப்பட்ட கிறித்தவம்” அல்லது “சீர்திருத்தப்பட்ட பாரம்பரியம்” என்றும் அழைக்கப்படுகிறது. கால்வினியத்தின் முக்கிய அம்சங்கள் “TULIP” என்ற சுருக்கெழுத்துக்களால் சுருக்கமாகக் கூறப்படுகின்றன: T – Total Depravity (முழுமையான சீரழிவு): ஆதாமின் வீழ்ச்சியால் மனிதகுலம் முழுவதும் பாவம் மற்றும் சீரழிவுக்கு ஆளாகியுள்ளது. U – Unconditional Election (நிபந்தனையற்ற தேர்ந்தெடுத்தல்): கடவுள் எந்த நிபந்தனைகளும் இன்றி, சிலரை இரட்சிப்புக்காகத் தேர்ந்தெடுத்துள்ளார். L – Limited Atonement (வரையறுக்கப்பட்ட பாவப்பரிகாரம்): இயேசு கிறிஸ்துவின் மரணம் தேர்வு செய்யப்பட்டவர்களுக்காக மட்டுமே. I – Irresistible Grace (தவிர்க்கமுடியாத கிருபை): கடவுளின் இரட்சிக்கும் கிருபையை தேர்வு செய்யப்பட்டவர்கள் எதிர்க்க முடியாது. P – Perseverance of the Saints (பரிசுத்தவான்களின் விடாமுயற்சி): தேர்வு செய்யப்பட்டவர்கள் இறுதிவரை விசுவாசத்தில் நிலைத்திருப்பார்கள். மரணம்: ஜான் கால்வின் 1564 ஆம் ஆண்டு மே 27 ஆம் தேதி தனது 54 வயதில் ஜெனீவாவில் காலமானார். அவரது மரணத்திற்குப் பிறகும், அவரது போதனைகள் உலகம் முழுவதும் பரவி, பல புரட்டஸ்தாந்து திருச்சபைகள் மற்றும் இயக்கங்களுக்கு அடிப்படையாக அமைந்தன. ஜான் கால்வின் ஒரு கடுமையான மற்றும் ஒழுக்கமான மனிதராக அறியப்பட்டாலும், அவரது இறையியல் பணி கிறிஸ்தவ உலகில் ஒரு புரட்சிகரமான மாற்றத்தை ஏற்படுத்தியது.
இத்தாலிய வயலின் இசைக்கலைஞரும், இசையமைப்பாளருமான நிக்கோலோ பாகானீனி காலமானார். நிக்கோலோ பாகானீனி (Niccolò Paganini) தனது காலத்தின் மிகச் சிறந்த வயலின் கலைஞர்களில் ஒருவராகக் கருதப்படுகிறார். அவரது தொழில்நுட்பத் திறமை மற்றும் வெளிப்பாட்டு பாணி அவருக்கு “டெவில்ஸ் வயலினிஸ்ட்” (Devil’s Violinist) என்ற பட்டத்தைப் பெற்றுத் தந்தது. அவரது இசையமைப்புகள், குறிப்பாக 24 கேப்ரைஸ்கள் (24 Caprices), இன்றும் வயலின் கலைஞர்களால் மிகவும் சவாலான மற்றும் முக்கியமான படைப்புகளாகக் கருதப்படுகின்றன. அவர் ஒரு வயலின் கலைஞராக மட்டுமின்றி, வயோலா மற்றும் கிதார் கலைஞராகவும் இருந்தார். இசை உலகில் இன்றும் பல இசையமைப்பாளர்களுக்கும், இசைக்கலைஞர்களுக்கும் அவர் ஒரு பெரும் உத்வேகமாகத் திகழ்கிறார்.
ஆந்திராவின் தலைசிறந்த சமூக சீர்திருத்தவாதியும், தெலுங்கின் முதல் நாவலை எழுதியவருமான கந்துகூரி வீரேசலிங்கம் (Kandukuri Veeresalingam) காலமான தினமின்று # ஆந்திரப்பிரதேசம் ராஜமுந்திரியில் 1848-ல் பிறந்த இவரது முழுப் பெயர் கந்துகூரி வீரேசலிங்கம் பந்துலு. நான்கு வயதில் தந்தை இறந்தார். இவரது மாமா இவரை தத்து எடுத்து வளர்த்தார். ஆரம்பத்தில் அரசுப் பள்ளியில் பயின்ற சிறுவனின் அறிவுக் கூர்மையால் ஆங்கிலப் பள்ளியில் சேர்க்கப்பட்டான். 1869-ல் மெட்ரிகுலேஷன் படிப்பை முடித்து ஒரு பள்ளியில் ஆசிரியராக சேர்ந்தார். சில ஆண்டுகள் ஆசிரியராகவும் இரண்டாண்டுகள் தலைமை ஆசிரியராகவும் பணியாற்றினார். பின்னர் தவலேஸ்வரம் சென்று அங்கு ஓர் ஆங்கில வழிப் பள்ளியில் தலைமையாசிரியராகப் பணியாற்றினார். # ஆச்சாரமான பிராமண குடும்பத்தில் பிறந்தவர் என்றாலும் கீழ்த்தட்டு மக்களின் முன்னேற்றத்துக்காக பாடுபட்டார். ஜாதி அமைப்புகளை கடுமையாக எதிர்த்தார். பெண் கல்வியின் முக்கியத்துவத்தை உணர்ந்து, 1874-ல் பெண்களுக்கான ஒரு பள்ளியைத் தொடங்கினார். 1876-ல் விவேகவர்தினி என்ற ஒரு தெலுங்கு பத்திரிகையைத் தொடங்கினார். சிந்தாமணி, சதீஹிதபோதா, சத்யசவர்தினி, சத்யவதி உள்ளிட்ட பல பத்திரிகைகளையும் தொடங்கி நடத்தி வந்தார். ஹிதகாரிணி என்ற சமூக அமைப்பைத் தொடங்கினார். அதன் சமூக சீர்திருத்த நடவடிக்கைகளுக்காகவும் தன்னால் தொடங்கப்பட்ட பல்வேறு அமைப்புகளின் செயல்பாடுகளுக்காவும் தன் சொத்து முழுவதையும் வழங்கினார். குழந்தைத் திருமணங் களை, முதிய வயதில் இளம் பெண்ணை மணக்கும் வழக்கங்களை எதிர்த்தார். பெண்களின் சம உரிமைகளுக்காகப் போராடினார். # தீர்க்கதரிசனமும், துணிச்சலும், பேராற்றலும் கொண்டிருந்தார். # இந்தியாவின் முதல் விதவைத் திருமணத்தை 1887-ல் நடத்திவைத்தார். விதவைகள் இல்லத்தையும் தொடங்கினார். சிறந்த எழுத்தாளருமான இவர், தெலுங்கு, ஆங்கிலம், சமஸ்கிருதம், மொழிகளில் நிபுணத்துவம் பெற்றிருந்தார். நூறுக்கும் மேற்பட்ட நூல்களை எழுதியுள்ளார். இவர் எழுதிய ‘ராஜசேகரா சரித்ரா’ என்ற நாவல் தெலுங்கில் எழுதப்பட்ட முதல் நாவல். # உலகம் முழுவதும் உள்ள பல புகழ்பெற்றவர்கள் குறித்து வாழ்க்கை வரலாற்று நூல்களையும் தனது சுயசரிதையையும் எழுதினார். ஏராளமான கட்டுரைகளையும் சமத்கார ரத்னாவளி, காளிதாசு சாகுந்தலம், தட்சிண கோக்ரஹணம் உள்ளிட்ட நாடகங்களையும் படைத்தார். தெலுங்கு இலக்கியத்துக்கு கட்டுரை, சுயசரிதை, வாழ்க்கை வரலாற்று நூல், நாவல் ஆகியவற்றை அறிமுகம் செய்தவர் இவர். # இயற்கை அறிவியல் மற்றும் வரலாறு குறித்த கட்டுரைகளைத் தெலுங்கு மொழியில் எழுதியுள்ளார். குழந்தை இலக்கியத்திலும் குறிப்பிடத்தக்கப் பங்களிப்பை வழங்கினார். தெலுங்கு இலக்கியத்தின் மகத்தான கவிஞர் எனப் போற்றப்பட்டார். நவீன ஆந்திரத்தின் தீர்க்கதரிசி எனக் குறிப்பிடப்பட்டார். # ஆந்திர மக்களை சடங்கு, சம்பிரதாயம், மூடநம்பிக்கைகளில் இருந்து தட்டி எழுப்பினார். ‘ஆந்திர காவுல சரித்ரா’ என்ற தெலுங்கு கவிஞர்கள் குறித்த நூலை வெளியிட்டார். இது ஆந்திரா மற்றும் ஆந்திர இலக்கியத்தின் அடிப்படை வரலாறாக கருதப்பட்டது. தெலுங்கு இலக்கியத்தில் பெரும் மாற்றத்தைக் கொண்டு வந்தவர். # அவர் வாழ்ந்த இல்லத்தை ஆந்திர அரசு நினைவாலயமாக மாற்றியுள்ளது. ஆந்திர சீர்திருத்த இயக்கத்தின் தந்தை எனப் போற்றப்பட்டவரும் தெலுங்கு இலக்கிய மறுமலர்ச்சிக்கு வித்திட்டவர்களில் ஒருவருமான கந்துகூரி வீரேசலிங்கம் 1919-ம் ஆண்டு, மே மாதம், இதே 27ஆம் தேதி தனது 71-ம் வயதில் மறைந்தார்.
சுதந்திரப் போராட்ட வீரரும், இந்தியாவின் முதல் பிரதமருமான பண்டித ஜவஹர்லால் நேருவின் நினைவு தினம் இன்று. லாந்தர் விளக்கோடு தள்ளுவண்டியை ஒருவர் தள்ளிக்கொண்டு வந்தார். அவரை நிறுத்தி, “ஏன் இந்த நேரத்தில் விளக்கை ஏற்றி வைத்திருக்கிறீர்கள்?” என்று கேட்டேன். “இன்று பேரிருளாக இருக்கிறது,” என்று அவர் பதிலளித்தார்.1964, மே 27ஆம் தேதி அன்றைய பிரதமரான பண்டித ஜவஹர்லால் நேரு இறந்த நாளன்று புகழ்பெற்ற கவிஞர் நாராயண் சர்வே பாடிய வரிகள் இவை. அன்று மக்கள் மத்தியில் நிலவிய உணர்வை இந்த வரிகள் வழியாக அவர் வெளிப்படுத்தியிருந்தார். இந்தியாவின் மூலை முடுக்குகளிலும் மக்கள் மத்தியில் நேருவின் ஈர்ப்பு காணப்பட்டது. மகாத்மா காந்திக்கு பிறகு நேருவை தாண்டி வேறெந்த தலைவரும் இவ்வளவு பிரபலம் இல்லை. இந்தியா சுதந்திரம் அடைந்த அன்று அவர் ஆற்றிய ‘Tryst with Destiny’ (விதியோடு ஒரு ஒப்பந்தம்) உரை அந்த நள்ளிரவிலும் ஏராளமான மக்களுக்கு எழுச்சியூட்டிய ஒன்றாக அமைந்தது. அவர் எப்போதும் பாரம்பரியமான ஷெர்வானி உடையை அணிவதையே பழக்கமாக வைத்திருந்தார். பின்னாட்களில் அதுவே நேரு உடை என்று பெயர் பெற்றது மட்டுமின்றி இன்று வரையிலும் பிரபலமான உடையாக வலம் வருகிறது. இந்தியாவில் அதிக நாட்கள் பிரதமராக இருந்தவர் நேரு. தொடர்ந்து 16 ஆண்டுகள் அவர் பிரதமராக பணியாற்றியுள்ளார். உண்மை என்னவெனில் இரண்டு முறை பிரதமராக இருந்த அவருக்கு மூன்றாவது முறை அந்த பதவியை வகிப்பதில் விருப்பமில்லை. ஆனாலும், அவர் இறக்கும் வரையிலும் அவர்தான் பிரதமராக பதவி வகித்தார். தனது வாழ்நாளில் அதிக முறை சிறையில் அடைக்கப்பட்ட பிரதமராகவும் இவர் அறியப்படுகிறார். ஒட்டுமொத்தமாக நாட்டின் விடுதலைக்காக 9 முறை சிறைக்கு சென்றுள்ளார் நேரு. ஆனால் நேரு ஜனநாயகத்தையும் நாட்டு மக்களையும் எந்தளவுக்கு நேசித்தார் என்பதைப் புரிந்துகொள்ள பின்னால் வரும் ஒரு சம்பவம் போதுமானதாக இருக்கும். நேரு ஒரு மக்கள் தலைவராக இருந்தார், அவர்களின் உணர்வுகளை அவர் எப்போதும் மதித்தார். அவர் மீது எவ்வளவு கோபத்தை வெளிப்படுத்தினாலும், மக்கள் மீதான அவரது அன்பும், ஜனநாயகத்தின் மீதான விசுவாசமும் என்றும் தளரவில்லை. இந்நிலையில் நேரு குறித்து ஒரு கதை சொல்லப்படுகிறது. பிபிசி ஹிந்தி நிருபர் இக்பால் அஹமது இந்த சம்பவத்தை குறிப்பிட்டுள்ளார். ஒருமுறை பெண் ஒருவர் நாடாளுமன்ற வளாகத்திற்கு வந்து, அந்த சமயம் அங்கு வந்த நேரு காரை விட்டு இறங்கிய போது, அவர் முன் வந்து நின்ற அந்த பெண் நேருவின் காலரைப் பிடித்து இழுத்து, இந்தியா சுதந்திரம் அடைந்தது, நீங்கள் நாட்டின் பிரதமர் ஆனீர்கள், ஆனால், இந்த மூதாட்டிக்கு என்ன கிடைத்தது என்று கேட்டாராம். இதற்கு பதிலளித்த நேரு, “நாட்டு பிரதமரின் சட்டை காலரை பிடிக்க உங்களுக்கு வாய்ப்பு கிடைத்துள்ளதே” என்று கூறினாராம்.
அண்ணல் அம்பேத்கரின் முதல் துணைவியார் அன்னை ரமாபாய். நினைவு நாள் ரமாபாய் அம்பேத்கர் (பிறப்பு: பிப்ரவரி 7, 1898 – இறப்பு: மே 27, 1935) அவர்கள், டாக்டர். பி.ஆர். அம்பேத்கரின் முதல் மனைவி. சமூக நீதிக்காகப் போராடிய அண்ணல் அம்பேத்கரின் வாழ்வில் உறுதுணையாக இருந்தவர். அவர் மிகவும் எளிமையான வாழ்க்கை வாழ்ந்தவர் என்றும், அம்பேத்கரின் கல்விப் பயணத்திற்கும், சமூகப் பணிகளுக்கும் பெரிய அளவில் ஆதரவளித்தவர் என்றும் கூறப்படுகிறது. அவரது மறைவு அண்ணல் அம்பேத்கருக்குப் பெரும் துயரத்தை ஏற்படுத்தியது. இந்திய சமூகத்தின் முன்னேற்றத்திற்காக அண்ணல் அம்பேத்கர் மேற்கொண்ட சீரிய முயற்சிகளில், அன்னை ரமாபாயின் அர்ப்பணிப்பும் தியாகமும் குறிப்பிடத்தக்கவை. அவரது நினைவு நாள் இந்திய சமூக வரலாற்றில் ஒரு முக்கிய இடத்தைப் பெறுகிறது.
தோழர் க. இரா. ஜமதக்னி நினைவு நாள். இவர் மார்க்சிய சிந்தனையாளர், நூலாசிரியர், கவிஞர், பன்மொழிப் புலவர், மொழிபெயர்ப்பாளர் எனப் பல பரிமாணங்கள் கொண்டவர். சார்லஸ் டார்வின் எழுதிய நூல்களை ஆய்ந்து உயிர்களின் தோற்றம் என்று தமிழில் எழுதியவர். காரல் மார்க்ஸ் எழுதிய ‘மூலதனம்’ இவரால் தமிழில் மொழியாக்கம் செய்யப்பட்டது. வாலாஜா வட்டம் காவேரிப்பாக்கத்தின் அருகில் அமைந்துள்ள கடப்பேரி கிராமத்தில் பிறந்தார். ஜமதக்னி. வேலூர் ஊரிஸ் கல்லூரியில் இன்டர் மீடியட் வகுப்பில் சேர்ந்து படித்தார். படிப்பைப் பாதியிலேயே விட்டு விட்டார். பிறகு அதே கல்லூரியில் ஆசிரியராகவும் சில காலம் பணியாற்றினார். அதன் பின்னர் காந்தி அடிகளின் கொள்கையால் ஈர்க்கப்பட்டு சுதந்திர வேள்வியில் தன்னை முழுமையாக அர்ப்பணித்துக் கொண்டார். இவர் தமிழ், ஆங்கிலம், சமஸ்கிருதம், இந்தி போன்ற மொழிகளில் புலமை மிக்கவர். மகாகவி காளிதாசரின் மேகதூதம், ரகுவம்சம் நூல்களையும் தமிழாக்கம் செய்துள்ளார். தினமணி நாளிதழில் கம்பராமாயணத்தைப் பற்றி கட்டுரைகள் எழுதி வந்தார். இவரது பிற நூல்கள் : கனிந்த காதல் (அ) ததும்பும் தேசபக்தி, ஸ்ரீமகாபக்த விஜயம், தேசிய கீதம், திருக்குறள், முருகாற்றுப்படை, கந்தரலங்காரம், கந்தரனுபூதி, குமரேச சதகம் ஆகிய நூல்களுக்கு உரையும் எழுதியுள்ளார். இவரது நூல் ஒன்று சாகித்திய அகாதமி பரிசு பெற்றுள்ளது. 1972இல் மத்திய அரசு அவரை டெல்லிக்கு அழைத்து தாமிரப்பத்திரம் அளித்து பெருமைப் படுத்தியது. விடுதலைக்குப் பின்னர் 75 ஆண்டுகள் தாண்டிய நிலையிலும் கார்ல் மார்க்ஸின் தாஸ் காப்பிடல் (மூலதனம்) என்ற நூலைத் தமிழில் மொழிபெயர்க்க முற்பட்டார். ஏறத்தாழ நான்காண்டுகள் இரவு பகலாக உழைத்து 10,000 பக்கங்களில் அதனை மொழிபெயர்த்தார். தோழர் ஜமதக்னி 1981இல் மறைந்துவிட்டார். அதன்பின் அவரின் உற்ற தோழராக விளங்கிய அவரது மருமகன் மு.நாகநாதன் மேற்கொண்ட கடும் முயற்சிகளின் விளைவாக மூலதனம் அச்சேறி வெளியாகியது. ஜமதக்னி 1935ஆம் ஆண்டில் சோசலிஸ்ட் கீதங்கள் என்ற நூலையும், 1938இல் மார்க்ஸிசம் சமூக மாறுதலின் விஞ்ஞானம் என்ற நூலையும், 1939-இல் ‘நீயேன் சோஷலிஸ்ட் ஆகவேண்டும்?’, ‘மனிதன் தோற்றம் பூமி யின் தோற்றம்’, ‘இந்தியாவின் சோசலிசம்’ என்ற நூலையும் 1947இல் எழுதியுள்ளார்.
தாமஸ் மன்றோ பர்த் டே சென்னை அண்ணா சாலையில் இன்றைக்கும் தீவுத்திடல் அருகே 40 அடி உயரத்தில் குதிரையின் மீது கம்பீரமாக இருப்பவர் சர் தாமஸ் மன்றோ அவர்கள் இவர் 27 05 1761 இல் ஸ்காட்லாந்து நாட்டில் கிளாஸ்கோ நகரில் பிறந்தவர் இந்தியாவை அடிமைப்படுத்தி இருந்த பிரித்தானிய கிழக்கிந்திய கம்பெனியின் சார்பில் 1780 அன்றைய மதராஸ் மாகாணத்தில் காலாட் படைப்பிரிவின் அலுவலராக பணியாற்ற வந்து தன் திறமையின் காரணமாக பல்வேறு நிலைகளில் 40 ஆண்டுகள் கலெக்டராக பின் மதராஸ் மாகாணத்தின் கவர்னராக பணியாற்றினார் அப்போது ஆற்றிய பணிகள், குறிப்பாக நிலவரி, நீதித்துறை மற்றும் கல்வித் துறைகளில் ஏற்படுத்திய மாற்றங்கள், இன்றும் இந்திய நிர்வாகத்தில் ஒரு முக்கியப் பங்களிப்பாகக் கருதப்படுகின்றன. சர் தாமஸ் மன்றோ பிரிட்டிஷ் இந்தியாவில் ஒரு மிக முக்கியமான நிர்வாகி மற்றும் சீர்திருத்தவாதியாக அறியப்படுகிறார். அவர் சென்னை மாகாணத்தில் ஆற்றிய பணிகள், குறிப்பாக நிலவரி, நீதித்துறை மற்றும் கல்வித் துறைகளில் ஏற்படுத்திய மாற்றங்கள், இன்றும் இந்திய நிர்வாகத்தில் ஒரு முக்கியப் பங்களிப்பாகக் கருதப்படுகின்றன. அவரது சாதனைகள் மற்றும் சீர்திருத்தங்கள் விரிவாக கீழே கொடுக்கப்பட்டுள்ளன:
- ரயத்துவாரி நிலவரி முறை (Ryotwari System):
முக்கியப் பங்களிப்பு: தாமஸ் மன்றோவின் மிகப்பெரிய மற்றும் மிகவும் குறிப்பிடத்தக்கச் சீர்திருத்தம் ரயத்துவாரி நிலவரி முறை ஆகும். இது அவர் “ரயத்துவாரி முறையின் தந்தை” என்று அழைக்கப்பட ஒரு முக்கியக் காரணம். அறிமுகம்: 18 ஆம் நூற்றாண்டின் பிற்பகுதியில் கேப்டன் அலெக்சாண்டர் ரீட் உடன் இணைந்து இந்த முறையை உருவாக்கினார். 1820 இல் சென்னை மாகாணத்தின் ஆளுநராகப் பொறுப்பேற்றபோது இதனை முழுமையாக நடைமுறைப்படுத்தினார். அம்சங்கள்: நேரடி வரி வசூல்: இந்த முறையில், அரசு விவசாயிகளிடம் (ரயத்துகள்) நேரடியாக நிலவரியை வசூலித்தது. இடைத்தரகர்களான ஜமீன்தார்கள் அல்லது நிலப்பிரபுக்களின் பங்கு இதில் நீக்கப்பட்டது. விவசாயிகளின் உரிமை: விவசாயிகள் நிலத்தின் உரிமையாளர்களாக அங்கீகரிக்கப்பட்டனர். அவர்கள் வரி செலுத்தும் வரை நிலத்தில் இருந்து வெளியேற்றப்பட மாட்டார்கள். நிலப் பகுப்பாய்வு: ஒவ்வொரு நிலமும் அளவிடப்பட்டு, அதன் உற்பத்தித்திறன் அடிப்படையில் வரி மதிப்பீடு செய்யப்பட்டது. இது பஞ்ச காலங்களிலும், விளைச்சல் குறைவான காலங்களிலும் வரியைக் குறைத்துக்கொள்ள வழிவகுத்தது. சீரான கால அளவு: நிலவரி 20 முதல் 40 ஆண்டுகளுக்கு ஒருமுறை மதிப்பீடு செய்யப்பட்டது. நன்மைகள்: இந்த முறை விவசாயிகளுக்கு நிம்மதியைக் கொடுத்ததுடன், நிலச்சுவான்தார்களின் சுரண்டலில் இருந்து அவர்களைக் காப்பாற்றியது. இது பிரிட்டிஷ் அரசுக்கு நிலையான வருவாயை உறுதிப்படுத்தியது.
- நிர்வாகச் சீர்திருத்தங்கள்:
ஆட்சியர் (Collector) பதவி: மன்றோ, ஆட்சியர் என்ற நிர்வாகப் பதவியை உருவாக்கினார். இந்த ஆட்சியர் பதவி இன்றும் இந்தியாவின் மாவட்ட நிர்வாகத்தின் மையமாக உள்ளது. ஆட்சியர்கள் நிலவரி வசூல், சட்டம் ஒழுங்கு பராமரிப்பு, சிவில் வழக்குகளைத் தீர்ப்பது போன்ற பல பொறுப்புகளைக் கொண்டிருந்தனர். மக்களுடன் தொடர்பு: தாமஸ் மன்றோ மற்ற பிரிட்டிஷ் அதிகாரிகளைப் போலன்றி, இந்திய மக்களுடன் நெருக்கமாகப் பழகினார். அவர் தமிழ், தெலுங்கு, கன்னடம் போன்ற மொழிகளைக் கற்றுக்கொண்டார், நேரடியாகக் கிராமங்களுக்குச் சென்று மக்களின் பிரச்சினைகளைப் புரிந்து கொண்டார். மாவட்ட நிர்வாகம்: அவர் மாவட்ட நிர்வாக அமைப்பில் பல ஆக்கப்பூர்வமான மாற்றங்களைக் கொண்டு வந்தார். தாசில்தார்கள் போன்ற உள்ளூர் அதிகாரிகளின் பங்களிப்பை வலுப்படுத்தினார்.
- நீதித்துறை மற்றும் காவல்துறை சீர்திருத்தங்கள்:
1814 இல் இங்கிலாந்தில் இருந்து திரும்பிய பின்னர், நீதித்துறை மற்றும் காவல்துறை அமைப்புகளில் சீர்திருத்தங்களை மேற்கொள்ள அவருக்கு சிறப்புக் கட்டளைகள் வழங்கப்பட்டன. அவர் இந்தத் துறைகளிலும் குறிப்பிடத்தக்க மாற்றங்களைச் செய்தார். சட்டம் ஒழுங்கு பராமரிப்பு மற்றும் நீதி வழங்குவதில் உள்ளூர் மக்களின் பங்களிப்பை ஊக்குவித்தார்.
- கல்விச் சீர்திருத்தங்கள்:
பொதுக் கல்விக்கான குழு (Committee of Public Instruction): 1826 இல், தாமஸ் மன்றோவின் பரிந்துரையின் பேரில், பொதுக் கல்விக்கான ஒரு குழு அமைக்கப்பட்டது. இது பிற்காலத்தில் பிரசிடென்சி கல்லூரி (Presidency College) போன்ற கல்வி நிறுவனங்கள் உருவாவதற்கு வழிவகுத்தது. ஆசிரியர் பயிற்சி: ஆசிரியர் பயிற்சிக்கான மெட்ராஸ் பாடநூல் கழகத்தை (Madras School Book Society) உருவாக்கினார். இது ஆசிரியர் பயிற்சிப் பள்ளியாக வளர்ந்து, பின்னாளில் மாநிலக் கல்லூரியாக உயர்ந்தது. பெண் கல்வி: பெண் கல்வியை உறுதி செய்வதிலும் அவர் ஆர்வம் காட்டினார்.
- பிற சாதனைகள்:
இராணுவப் பணி: ஆரம்பத்தில் பிரிட்டிஷ் படையில் சாதாரண வீரராக வந்து, படிப்படியாக உயர்ந்தார். திப்பு சுல்தானுக்கு எதிரான போர்களில் முக்கியப் பங்காற்றினார். சிந்தனை: அவர் இந்தியர்களை மதிக்கக்கூடியவராகவும், அவர்களின் அமைப்புகள் மற்றும் வழிகளைக் கற்றுக்கொள்வதில் ஆர்வம் கொண்டவராகவும் இருந்தார். இந்தியர்கள் தாங்களே நீதி வழங்க வேண்டும் என்றும், பிரிட்டிஷ் வெளியேற வேண்டும் என்ற தனது பார்வைகளையும் வெளிப்படுத்தினார். மக்களின் அன்பு: “மந்திரோலய்யா” என்று உள்ளூர் மக்களால் அன்புடன் அழைக்கப்பட்டார். இன்றும் தமிழ்நாட்டில் சென்னை அண்ணாசாலையில் அவரது சேணம் இல்லாத குதிரை மீதான கம்பீரமான சிலை உள்ளது. திருப்பதி தேவஸ்தானம்: திருப்பதி தேவஸ்தானத்தில் தனது பெயரில் ஒரு அறக்கட்டளையை உருவாக்கினார். அந்த அறக்கட்டளை இன்றும் திருப்பதியில் மன்றோ பெயரில் நைவேத்தியம் வழங்கி வருகிறது. தாமஸ் மன்றோ தனது நிர்வாகத் திறன், மக்கள் மீதான அக்கறை மற்றும் தொலைநோக்குச் சீர்திருத்தங்கள் காரணமாக, பிரிட்டிஷ் இந்தியாவில் தனித்து நின்ற ஒரு அதிகாரியாகப் போற்றப்படுகிறார். அவரது பணிகள் தென்னிந்தியாவின் சமூக மற்றும் நிர்வாக அமைப்பில் ஒரு நீடித்த தாக்கத்தை ஏற்படுத்தின. அவருக்கு கவர்னர் ஜெனரல் பதவி உயர்வு வழங்க பிரித்தானிய அரசு விரும்பி இங்கிலாந்துக்கு அழைத்தபோது மதராஸ் மாகாணத்தில் கடப்பா ரயலாசிம்மா பகுதியில் கொள்ளை நோய் காலரா தொற்று ஏற்பட்டு சிகிச்சை பலனின்றி மக்கள் செத்து கொண்டு இருந்தனர் அரசு பணியாளர்கள் உயிருக்கு பயந்து வெளியேறிய போது கவர்னர் சர் தாமஸ் மன்றோ அவர்கள் ஆட்சியாளர்கள் மக்கள் பாதிக்கப் படும் போது அவர்களுக்கு நம்பிக்கை தரும் வகையில் பணியாற்ற வேண்டும் என்று அவர் நேரிடையாக பாதிக்கப்பட்ட மக்களுக்கு மனிதநேயத்துடன் ஊழியர்கள் பணியாற்றுவதை உறுதி செய்ய தடையை மீறி சென்று அங்கேயே தங்கி உதவி செய்து வந்தபோது அவருக்கும் காலரா ஏற்பட்டு 06 07 1827 காலமானார் அவரின் மனிதாபிமான பணியை பாராட்டி பொதுமக்கள் நிதி வழங்கி தங்களின் நன்றி கடனாக இந்த சிலையை இங்கிலாந்தில் உருவாக்கி கப்பலில் கொண்டு வந்து இங்கே நிறுவினார்கள் இன்று கொடிய நோய் கொரோனா உலகை ஆட்டி படைத்துக் கொண்டு உள்ள நிலையில் சர் தாமஸ் மன்றோ போன்ற ஆட்சியாளர்களின் மனிதநேய பணியை நினைவு கூர்வது நமது கடமை
