வெளியானது உறியடி விஜயகுமாரின் ‘எலக்சன்’ திரைப்படத்தின் டிரெய்லர்..!

‘உறியடி’ புகழ் நடிகர் விஜயகுமார் நடிப்பில் உருவாகியுள்ள ‘எலக்சன்’ படத்தின் டிரெய்லரை இயக்குநர் கார்த்திக் சுப்பராஜ் வெளியிட்டுள்ளார்.

உறியடி, உறியடி 2 படங்கள் மூலம் பிரபலமானார் நடிகரும், இயக்குநருமான விஜயகுமார். கடைசியாக ஃபைட் கிளப் படத்தில் நடித்தார். இந்தப்படத்திற்கு எதிர்பார்த்த அளவிற்கு வரவேற்பு கிடைக்கவில்லை. தற்போது சேத்துமான் பட இயக்குநர் தமிழ் இயக்கத்தில்,  ‘எலக்சன்’ என்கிற படத்தில் நடித்துள்ளார். இப்படத்தை ரீல் குட் பிலிம்ஸ் நிறுவனம் தயாரிக்கிறது. கதாநாயகியாக பிரீத்தி அஸ்ராணி நடித்துள்ளார். மேலும் ரிச்சா ஜோஷி,  திலீபன், பாவெல் நவகீதன், ஜார்ஜ் மரியம், நாச்சியாள் சுகந்தி என பலர் இப்படத்தில் நடித்துள்ளனர்.

வேலூர் மாவட்டத்தில் நடைபெறும் உள்ளாட்சி தேர்தல் அரசியலை மையப்படுத்தி தயாராகி இருக்கும் இந்த படம் வரும் 17 ஆம் தேதி வெளியாகும் என படக்குழு அறிவித்தது. சமீபத்தில் வெளியான இப்படத்தின் எலக்சன் பாடல் யூடியூபில் 1 மில்லியனுக்கும் அதிகமான பார்வையாளர்களை கடந்துள்ளது. அதைதொடர்ந்து படத்தின் அடுத்த பாடலான ‘தீரா’ பாடலின் லிரிக் வீடியோவை நேற்று படக்குழு வெளியிட்டது.

இந்நிலையில் இந்த படத்தின் டிரெயிலரை இயக்குநர் கார்த்திக் சுப்பராஜ் இன்று வெளியிட்டு, தனது வாழ்த்தை படக்குழுவிற்கு தெரிவித்துள்ளார்.